С. Дэмбэрэл - 2015-08-19 16:29:39

С.Дэмбэрэл гишүүний Мөнгөний бодлогод 100 хувь багтсан саналууд Саяхан УИХ-ын гишүүн С.Дэмбэрэлд “Төрөөс мөнгөний талаар 2014 онд баримтлан үндсэн чиглэлийг УИХ-аар хэлэлцэн батлуулахад үнэтэй хувь нэмэр оруулсан” гэдгийг онцлон Монголбанкнаас талархал илэрхийлсэн билээ. Учир нь С.Дэмбэрэл гишүүн энэхүү үндсэн чиглэлийг урьд өмнө нь батлагдаж байсан үндсэн чиглэлүүдээс илүү чанартай, шинэ түвшинд, хариуцлагатай боловсруулах, нам эвслийн бүл­гүүд болон Засгийн газар, Монгол­банк, бусад мэргэжлийн бай­гууллагуудын санал, оролцоог бүрэн авч, улам боловсронгуй бол­гох, Эдийн засгийн байнгын хороо, УИХ-ын нэгдсэн чуулганаар хэлэлцүүлэх ажлын хэсгийн ахлагчаар ажилласан юм. УИХ-ын гишүүн С.Дэмбэрэл эдийн засгийн чиглэлээр УИХ, Засгийн газрын бодлогын түвшинд хийх ёстой ажлуудыг багцлан 65 зүйлд тухайлан бичиж боловсруулсан, УИХ-ын тогтоолын төслийн анхны хэлэлцүүлгийг чуулганы нэгдсэн хуралдаанаар хэлэлцэх явцад гишүүдээс гаргасан саналуудыг төсөлд бүрэн тусгаж “өөрийн гараар” эцсийн хэлэлцүүлэгт бэлтгэсэн билээ. Мөн УИХ 2015 онд төрөөс мөнгөний бодлогын талаар баримтлах үндсэн чиглэлийн тухай тогтоолын төсөлд төсвийн тогтвортой байдлыг хан­гаж, гадаад валютын урсгалыг сайжруулан импортыг орлох, экспортыг нэмэгдүүлэх дотоодын үйлдвэрлэлийг дэмжих арга хэмжээ авахыг Монгол Улсын Засгийн газарт, эдийн засгийн бодит сал­барыг мөнгөний бодлоготой уял­дуулан дэмжиж ажиллахыг Монголбанкинд даалгах зэрэгт онцгой анхаарал хандуулсан. Түүнчлэн санхүүгийн зах зээлийн бүтцийг олон тулгуур бүхий, зохистой болгох, чөлөөт өр­сөлдөөний орчныг бүр­дүүлэх, санхүүгийн олон төр­лийн бүтээгдэхүүн бий бол­гох, сан­хүүгийн зуучлалыг гүнзгий­рүүлэх чиглэлээр 2014-2016 онд хэрэгжүүлэх бодлогын баримт бич­гийг боловсруулж УИХ-д өр­гөн мэдүүлсэн. Эдийн засгийн бодит салбарын идэвхжлийг дэм­жих зорилгоор “Зээлийн хүү буурах орчныг бүрдүүлэх” хөтөл­бөрийг хэрэгжүүлэх, жижиг, дунд бизнесийн болон бичил сан­хүүжилтийг дэмжиж ажиллах, валютын захад тогтворгүй байдал үүсэхээс урьдчилан сэргийлэх арга хэмжээ авч ажиллах зэрэг бодлогын өргөн хүрээтэй асуудлуудыг тус­гаснаараа энэхүү бодлогын баримт бичигт тусгаснаараа онцлогтой. Мөн 2015 оны 02 дугаар сарын 26-ны өдөр “Юуг яаж хийх вэ” 30 саналыг 2015 оны төсөв, мөнгөний бодлого батлагдсан, дээр нь эдийн засгийн хүндрэлийг даван туулах УИХ-ын тогтоол баталсан, хэд хэдэн чухал хууль баталлаа, одоо болно доо гэсэн тайвшрал огт байж болохгүй хэмээн Засгийн газар эдийн засгийн хүндрэлийг даван туулах нарийвчилсан төлөвлөгөө гаргах гэж байгаатай уялдуулан ард түмэндээ хүргэсэн билээ.Түүний үзэл санаа нь “Хоосон ярих, цээжний пангаар макро эдийн засаг ийм байна, тийм байна, ингэхгүй байна, тэгэхгүй байна гэж цэцэрхэх, хийсвэрээр онолдох хирээс хэтэрч байна. Тийм учраас эдийн засгийн хүндрэлийг даван туулах чиглэлээр хэдэн прагматик санал” толилуулж байгаагаа илэрхийлсэн. Санал бүрийн онолын үндэслэл, олон улсын бодлогын хандлага, туршлага, макро эдийн засгйин үндэслэл зэргийг нарийвчлан задлах нь хэт нуршуу болох тул гол шийдлүүдийг л бичив хэмээн тэрээр дурсаж байсан. Засгийн газар, шийдвэр гаргагчид ухаж ойлгоод хэрэгжүүлбэл 2015 оны эдийн засгийн хүндрэлүүдийг амжилттай даван туулахад нэмэр болох эдгээр саналуудийг demberels.parliament.mn цахим хуудсанаас танилцах боломжтой. Мөн УИХ-ын гишүүн С.Дэмбэрэл төрийн гурван өндөрлөгт хандан саяхан захидал илгээсэн. Татвар төлөгч аж ахуй нэгжүүдийн тухай /2015.03.15/ өгүүлсэн захидалдаа Монгол улс бизнесийн орчин, эдийн засгийн болон өмчийн эрх чөлөөгөөрөө дэлхийд эхний 50-д орох зорилт тавьж бодитойгоор хэрэгжүүлцгээе. Үндсэн хууль маань эхэлдэг “ардчилал, хүний эрх, эрх чөлөөг дээдлэх” үндсэн хуулийн дээд эрх зүй, амин сүнс байдаг зарчмаа мөрдөж, дэлхий дахинд “Hotel Mongolia” гэсэн муухай нэр авснаасаа салцгаая. Өмнө дурьдсан “Misery index” - “Шаналалын индексээ” онцгой анхаарч, шаналал, дарамтгүй, улам их баялаг бүтээж, ажлын байр олноор бий болгох “олуулаа” бизнес эрхлэгчдийг бий болгоцгооё. Бид хүүхдүүдийнхээ төлөө “За” гэж хэлээд мөнгө зарцуулаад явж байгаа. Одоо тэгвэл тэр мөнгийг нь бий болгодог татвар төлөгчдийнхөө төлөө “За” гэж хэлцгээе хэмээн эдийн засгийн гол асуудлуудыг хөндөн гаргаж ирсэн. ТАТВАР ТӨЛӨГЧДИЙНХӨӨ ТӨЛӨӨ “ЗА” ГЭЖ ХЭЛЦГЭЭЕ !

Хариулах - 3792Tweet