“News” агентлагийн 10 жилийн ойн арга хэмжээ 2014 оны 12 дугаар сарын 03-ны өдөр Туушин зочид буудалд болж өнгөрлөө. Салбарынхны цугларалт, ирээдүйн чиг хандлагыг тодорхойлсон сонирхолтой илтгэл, хэвлэлийн салбарынхаа алдаа оноог  хэлэлцсэн ажил хэрэгч форумаас эхлээд улс төр, соёл спортынхон зэрэгцэн сууж “уншигчид” өөрсдийг нь хэрхэн шалгаруулсныг харцгаах тун ч сонирхолтой байлаа. 

 

News Hit шалгаруулалтын цахим сайтаар “хамгийн олон уншигдсан эдийн засагч”-аар УИХ-ын гишүүн С.Дэмбэрэл, “хамгийн олон удаа нэрээ хайлгуулсан” хүнээр УИх-ын гишүүн Ц.Нямдорж, мөн хамгийн олон хандалттай нийтлэлчээр Б.Баабар, хамгийн их уншигдсан улс төрчөөр Монгол Улсын Ерөнхийлөгч Ц.Элбэгдорж, хамгийн их уншигдсан эмэгтэй улс төрчөөр Д.Оюунхорол, , хамгийн олон уншигдсан уран бүтээлчээр топ модель Э.Одгэрэл, хамгийн эерэг мэдээлэлтэй эрхмээр олимпийн аварга Н.Түвшинбаяр нар тодорлоо.