Улсын Их Хурлын 2014 оны Намрын ээлжит чуулганы хугацаанд Эдийн засгийн байнгын хорооноос хийх ажлын төлөвлөгөөг эрхэм уншигч танаа хавсралтаар хүргэж байна. УИХ-ын гишүүн С.Дэмбэрэл тус байнгын хороонд байдгын хувьд дараах ажлуудад оролцохоор болжээ.

 

Хууль бусад шийдвэрийн төслүүдийг хэлэлцүүлэгт бэлтгэх чиглэлээр:

 

1. Хөгжлийн бодлого, төлөвлөлтийн тухай хуулийн төслийг хэлэлцүүлэгт бэлтгэж батлуулах

 

2. Зөвшөөрлийн тухай хууль, холболгдох хуулийн төслүүдийг анхны болон эцсийн хэлэлцүүлэгт бэлтгэж оруулах, батлуулах

 

3. Валютын зохицуулалтын тухай болон Төв банкны тухай хуульд нэмэлт, өөрчлөлт оруулах тухай, Статистикийн тухай хуулийн шинэчилсэн найруулгын төслүүдийг УИХ-д өргөн мэдүүлэх ажлыг зохион байгуулах

 

4. Хотыг дахин хөгжүүлэх тухай хуулийн төсөл, Хот байгуулалтын тухай хуульд нэмэлт оруулах тухай, газрын тухай хуульд нэмэлт оруулах тухай хуулийн төслүүдийг анхны болон эцсийн хэлэлцүүлэгт бэлтгэж оруулах, батлуулах

 

5. Төрөөс мөнгөний бодлогын талаар 2015 онд баримтлах үндсэн чиглэл батлах тухай УИХ-ын тогтоолын төслийг хэлэлцүүлэгт бэлтгэх, батлуулах

 

6. Чөлөөт бүсийн тухай /шинэчилсэн найруулга/ хуулийн төслийг анхны болон эцсийн хэлэлцүүлэгт бэлтгэж оруулах, батлуулах

 

Хянан шалгах үйл ажиллагааны чиглэлээр:

 

1.    Шуудан, харилцаа холбооны салбар дахь асуудлаар, Шударга өрсөлдөөн, хэрэглэгчдийн төлөө газрын мэдээлэлийг сонсох

2.    Макро эдийн засгийн үзүүлэлтүүдийн боловсруулалтыг сайжруулах, боловсронгуй болгох чиглэлээр Үндэсний Статистикийн газрын мэдээллийг сонсох

3.    Төрөөс 2013 онд баримтлах мөнгөний бодлогын үндсэн чиглэлийн биелэлт, 2014 оны үндсэн чиглэлийн хэрэгжилтийн явц, байдлын талаар Монголбанкны мэдээлэл сонсох

 

Байнгын хорооны ерөнхий төлөвлөгөөг хавсаргав.