Засгийн газрын Хэрэг эрхлэх газар, Төрийн албаны зөвлөлд Монгол Улсын Их Хурлын чуулганы хуралдааны дэгийн тухай хуулийн 46 дугаар зүйлийн 46.2 хэсгийг үндэслэн Засгийн газрын үйл ажиллагааны мөрийн хөтөлбөрийг хэрэгжүүлэх талаар 2013 онд хийсэн ажлын тайлан, мөн хуулийн 47 дугаар зүйлийн 47.2.3 дахь заалтыг үндэслэн Төрийн албаны зөвлөлийн 2013 оны үйл ажиллагааны тайланг 2014 оны 3 дугаар сард багтаан Төрийн байгуулалтын байнгын хороонд ирүүлэх талаар албан бичиг явууллаа. УИХ-ын гишүүн, ИЗНН-ын дарга С.Дэмбэрэл тус байнгын хорооны гишүүнээр ажиллаж байгаа билээ.