Улс орны эдийн засгийн нөхцөл байдал хүндэрч хямралын аюул заналхийлж буй өнөө үед төр засгийн зүгээс эдийн засгийг тогтворжуулах, эдийн засгийн өсөлтийг хангах чиглэлд авах арга хэмжээндээ хувийн хэвшил, бизнесийнхний санал, бодол, шүүмжлэлийг авч тусгаж байх шаардлагатай байна.

Аман дээрээ төр, хувийн хэвшлийн түншлэл гэж хоосон ярих бус, 20 гаруй жил бизнесийн замналаар явж зовлон бэрхшээлийг нь биеэр туулан амсаж буй тэдний санал зөвлөмжийг бодитойгоор авч, хэрэгжүүлж байж л бид эдийн засгаа тогтворжуулж бизнесийн орчноо сайжруулах боломжтой гэдгийг төр, засгийн газар анхаарах шаардлагатай байна.

 

Болгоомжгүй буюу буруу баталсан хуулиас болж гадаад, дотоодын хөрөнгө оруулалт буурч, эдийн засгийн өсөлт багасч, үйлдвэрлэл –бизнес хумигдаж болох талаар МҮХАҮТ, бизнес эрхлэгчдээс тухайн хуулийг батлагдахаас өмнө сануулж, анхааруулж, өөрсдийн санал бодлоо хүргүүлж байсан ч улс төрийн зорилгоор баталсан “ Стратегийн ач холбогдол бүхий салбарт гадаадын хөрөнгө оруулалтыг зохицуулах тухай хууль” ямар сөрөг үр дагаварт хүргэсэн гашуун үнэнийг хууль тогтоогчид, бодлого боловсруулагчдад ахин ахин сануулах үүднээс тус хуулийн талаар гаргаж байсан Мэдэгдлийг Та бүхний сонорт дахин хүргүүлж байна.

 

мэдээллийг шинэчилсэн огноо: 2013 оны 8-р сарын 22, Пүрэв гариг, 12:24 2013 оны 8-р сарын 22, Пүрэв гариг, 12:17

 

Хуудасны холбоос: