2013 оны 05 дугаар сарын 15-ны Байгаль орчин, хүнс, хөдөө аж ахуйн байнгын хорооны хуралдааны тэмдэглэл
Хэлэлцэх асуудал:
1. Импортын мод, модон материалын талаар баримталж байгаа бодлого, арга хэмжээ нь Монгол Улсын ойн нөөцийг хамгаалахад үзүүлэх нөлөөллийн талаар Байгаль орчин, ногоон хөгжлийн сайд С.Оюуны мэдээлэл сонсох.
2. Импортын барилгын модон материалыг нийлүүлэх талаар авч хэрэгжүүлж байгаа арга хэмжээний тухай Барилга, хот байгуулалтын сайд Ц.Баярсайханы мэдээлэл сонсох.
С.Дэмбэрэл: Өнөөдөр энэ Байнгын хороогоор их чухал асуудлыг хэлэлцэж байна. Түрүүнээс хойш бүх гишүүдийн асуусан асуултууд, хариулж байгаа байдал дээр асар их зөрөө гарч байна. Гишүүд бол маш сайхан, тал талаас нь асууж байна. Бодит амьдралтай зүйл асуугаад, өөрөөр хэлбэл байхгүй байгаа зүйлийг асуугаад байна л даа. Эндээс хариулт өгөхөөрөө судалж байгаа, ингэж байгаа, тэгэж байгаа л гэх юм. Тэгэхлээр Байнгын хороогоос гарах эхний дүгнэлт бол ой модны салбарт төрийн бодлого нойл түвшинд байгаа юм байна. Өөрөөр хэлбэл юу ч хийгдээгүй юм байна. Худлаа ярьж байна. Ингэх гэж байгаа, тэгэх гэж байгаа гэж худлаа амлалт маягийн юм өгч байна. Ийм байдлаар маш эмзэг ойн эко системтэй, тэгээд энэ өвөрмөц нутаг дэвсгэртэй… Түрүүн Л.Энх-Амгалан гишүүний хэлсэн үгийг анзаарсан уу, үгүй юу? Судалгаа байгаа шүү. Одоо ойрын 3-10 жилд Монгол Улсын 8 аймагт огт модны нөөцгүй болно. Дээр нь ойгоор баялаг Хэнтий, Хөвсгөл аймаг гэх мэтийн аймгуудад модны хулгай, модыг зүй бусаар ашиглах нь бол улам бүр нэмэгдэж байна. Ойн түймэр энэ бүхнийг ярихгүйгээр зөвхөн модны хулгай, одоо бид ярьж байхад л өнөө шөнө Улаанбаатар луу 4 талаас нь орж ирж байгаа. Энэ асуудлыг тавихаар эртээдийн хурал дээр манайх модны асуудал хариуцдаггүй гэснийг санаж байна уу? Ийм хариулт өгч байсан. Эндээс юу хэлэх гэж байна вэ гэвэл, одоо бид юу хийх ёстой гэхээр сонсолоо шүү дээ, бодлого байдаггүй байна. Тэгвэл одоо сарын хугацаатай, хаврын чуулганы хугацаанд, энэ саяны гишүүдийн асуусан ой модны нөөц, ой модны арчилт хамгаалалт, ой модны үржил шим, хууль бус хулгай, дээр нь мод, модны үйлдэрлэл, модон эдлэл хэрэглэл гэх мэтийн импорт энэ бүх асуудлыг багтаасан яаралтай бодлого гаргаж ирэх нэг сарын хугацаатай үүрэг өг. Тэгэхгүй бол ингэж дахин дахин сонсож сууж, цагаа үрэх ямар ч шаардлага байхгүй. Нойл түвшинд байна шүү. Харамсалтай нь С.Оюун гараад явчихлаа. Би одоо өөрийнхөө намын хүнийг шүүмжлэхээс өөр арга байхгүй. Энэ сууж байгаа хүмүүс, Ногоон хөгжлийн яам ямар юм хийгдэхгүй байгаа байна барилгын материал асуудал хариуцсан яамны, жишээлбэл Алтанбулагийн чөлөөт бүс энэ тэр гэснийг дэмжих хэрэгтэй. Гэхдээ энэ бүхэн маань иж бүрэн, цогц байх ёстой. Энэ өнөөдрийн оруулж ирж байгаа 2 асуудал байна, ерөөсөө эндээс маш тодорхой даалгавар өгөх хэрэгтэй, энэний даалгаварынхаа биелэлтийг дараагийнхаа хурлаар л шалгах ёстой. За баярлалаа.
