Улсын Их Хурлын 2015 оны хаврын ээлжит чуулганы 2015 оны 10 дугаар сарын 20-ны өдрийн Төрийн байгуулалтын байнгын хорооны /Мягмар гараг/ хуралдааны гар тэмдэглэлээс хүргэж байна.

Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/ хэлэлцэх үеэр Улсын Их Хурлын гишүүн С.Дэмбэрэл үг хэлж байр сууриа илэрхийллээ.

Төрийн байгуулалтын байнгын хорооны дарга А.Бакей: С.Дэмбэрэл гишүүн үгээ хэлье.

Улсын Их Хурлын гишүүн С.Дэмбэрэл: Хэн ч байсан, ардаа гэр бүлтэй, найз нөхөдтэй, тодорхой нэг карьерт хүрэхийн тулд өөрийнхөө мэдлэг, мэргэжил, боловсролоо зориулж байгаад “дэд сайд” гэсэн карьерт хүрсэн, нийгэмд тодорхой  байр суурьтай хүн юм. Үүнийг өнгөрсөн жилийн тансаглалуудын золиос болгож  байгаа энэ хандлага нь өөрөө буруу юм. Харин төсөвтэй холбогдсон зардлыг хэмнэх гэж байгаа бол хамгийн түрүүнд хөрөнгө оруулалт, урсгал зардлын бараа үйлчилгээний зардал, тусгай сангууд гээд маш олон зүйлүүд байгаа.  Байнгын хороогоор бид нэгэнт албан тушаалтны асуудлыг ярьж байгаа тохиолдолд үүнийг “яагаад хасаж байгаа вэ” гэдэг асуудлыг сайн харах хэрэгтэй Үнэндээ зардал хэмнэх олон арга бий. Хүний цалин, хүний нэр төр, хүний эрхэнд халдалгүйгээр, олон хэмнэлтийн боломж байсаар байтал заавал үүнийг сонгож авч орж ирж байгаа нь хандлагын хувьд маш буруу юм. Дээр нь би үүнийг албаар хэлье. Түрүүн М.Энхболд гишүүний хэлсэн санал бол Монгол Улсын түүхэнд гарсан нэг ололт юм шүү. Үүнийг би өөрөө санаачилсандаа биш, энэ Улсын Их Хурлын түүхэнд нэг өгүүлбэртэй хууль санаачлаад, энэ бүх яамдууд нь “агаарын бохирдлын эсрэг тэмцэнэ” гээд түүнийг нь чиг үүрэгт нь оруулаад өгчихсөн юм. Тэгэхээр энэ асуудлыг би их дэмжиж байгаа шүү. Өөрөөр хэлбэл бид яагаад ингэж яриад байна вэ гэхээр оруулж ирсэн хандлага чинь буруу учраас ийм олон асуултуудыг бид төрүүлээд байна. Тийм учраас энэ дэд сайдын гэдэг асуудал дараа нь агентлагууд, 3000 хүнийг цомхтгох гэдэг асуудлаа болиод,  “Агентлагийн эрх зүйн байдлын тухай хуулиа хүчингүй болгох” хэрэгтэй.   Архитектур гэдэг чинь энэ шүү дээ. Бидний баталсан архитектур нь. Архитектураа өөрчлөх гэж байгаа бол энэ агентлагийн эрх зүйн байдлын тухай хуулийг алга болгох. Энэ нь дараагийн Засгийн газраас мөрдөгдөөд явахаар, Монгол Улс энэ хуулийг дахиж шинээр батлах гэж бөөн юм болно. Энэ хууль 1997 онд Монгол Улсад орж ирээд нутагшаагүй, тийм учраас данхгар төрийг бий болгосны л цаад уг шалтгаан нь хууль юм. Өөрөөр хэлбэл, нэг дэд сайдыг оролдоод, нэг хүмүүсийг оролдоод, нэг агентлагуудыг оролдоод, тэгж тэгж байснаа Засийн газрын бүтэц, бүрэлдэхүүнд нь байдаггүй, өөр институцийг оролдоод ингээд явах бол ер нь дэмий юм байгаа шүү.  Энэ талаасаа Засгийн газарт орлогч сайд нар, 3050 хүн ажлаа хийх бүрэн боломж байна. Хөрөнгө хэмнэх ч боломж байна. Энэ жилийн төсвийг “0” байдлаар батлах боломж байна, бүр болохгүй бол (-)1-ээр батлах боломж байна. Үүнийг л харах ёстой. Түрүүн би “хэрэв бид энд үнэхээр засаглалын талаар ярих гэж байгаа бол Төрийн байгуулалтын байнгын хороо 1 дүгээр хавсралтыг л ярь, 1 дүгээр хавсралтыг буцаа” гэж хэлсэн.   Үүнийг л хамгийн гол нь ярих ёстой. Баярлалаа.

Улсын Их Хурлын гишүүн С.Дэмбэрэлийн ажлын алба