Улсын Их Хурлын 2015 оны хаврын ээлжит чуулганы 2015 оны 10 дугаар сарын 21-ны өдрийн Эдийн Засгийн байнгын хорооны/Лхагва гараг/ хуралдааны гар тэмдэглэлээс хүргэж байна.
Засгийн газрын тухай хуульд өөрчлөлт оруулах тухай, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төсөл /Засгийн газар 2015.10.06-ны өдөр Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Улсын Их Хурлын гишүүн С.Дэмбэрэл: -За, баярлалаа. Ө.Энхтүвшин гишүүн “Төрийн албаны тухай хуулийн 38.2 заалт”-ыг хэлсэн байх. Өчигдөр, Төрийн албаны тухай энэ заалт зөрчигдсөн тухай ярьж байсан.-Нэгдүгээрт.
Хоёрдугаарт, -Өөрөөр хэлбэл, Засгийн газрын тухай хуульд “Засгийн газар өөрийнхөө бүрэн эрхийнхээ хугацаанд, өөрийнхөө эрх мэдлийн хүрээнд байгаа институцуудыг татан буулгах, нийлүүлэх, нэгтгэнэ” гэсэн тийм л эрх бий. Түүнээс биш өөр субектийн мэдэлд байдаг институцуудыг ямар нэгэн байдлаар шууд оруулж ирэх ёсгүй. Энэ нь юуг хэлж байна бэ гэхээр үндэсний статистикийн газарыг бүртгэл гэдэг. Өөрөөр хэлбэл, Засгийн газар “бүртгэлийн байгууллагыг үндэсний статитистикийн хороотой нэгтгэе” гэдэг саналаа УИХ-д тавьж байж, түүний дараа холбогдох Байнгын хороогоор оруулж ирэх ёстой байсан.
Гуравдугаарт, -Хэрвээ боломжтой бол, Байнгын хорооноос ийм санал явуулмаар байна. Монгол улсад байгаа Засаглалын архитектурыг цаашаа хадгалж явах уу, үгүй юу ? Өөрөөр хэлбэл, яам, тохируулагч агентлаг, хэрэгжүүлэгч агентлагуудын тухай агентлагийн эрх зүйн байлдлын хууль бий. Энэ хууль цаашаа хүчин төгөлдөр байх уу? Энэ хуулийг хүчингүй болгох уу гэдэг асуудлыг ярьвал, хүний тоо чухал биш болно. Эхлээд архитектураа яриад, дараа нь тэр дизайндаа тохирсон хүнтэй холбоотой асуудлыг л ярих нь зөв биз. Ер нь 3050 төрийн албан хаагчын орон тоог цомхтгох, цалинг 30%, 10%-иар бууруулна гэж ярих нь энэ хэдэн сарын хугацаанд утга байхгүй юм. Нэмж бас нэг зүйлийг хэлмээр байна.
Монгол улсад макро эдийн засгийн судалгаа хийж, бодлогыг нь гаргадаг Монгол банк, Сангийн яам гэсэн хоёр гол институц байгаа. Нэгийг нь нөгөө дээр нь гаргаж, дөвийлгах хэрэггүй. Энэ хоёр аль аль нь сайн ажил хийдэг байгууллагууд. Макро эдийн засгийг ойлгодог хүмүүс нь ингэж ярьдаг.
Монголбанкыг энд дуудсан дуудаагүй, бид бодлогын уялдаа холбооны хувьд гурван зүйлийг л мэдэж, хүсэж байгаа.
Энэ тухай би хурал дээр “Та бүхэн өөрсдөө яаж оролцож байгаа вэ” гэж асууж байсан.
Өнөөдөр Монгол банк бас өртэй байгаа! Арилжааны банкуудад өрийн зохистой удирдлагыг яаж хангаж байгаа вэ гэдгийг оруулж ирсэн зүйл алга байна. Террозм гэсэн зүйл л байсан.
Өөрөөр хэлбэл, нэг байгууллагын нэг мөнгө, нэг бодлогыг нөгөө бодлоготой уялдуулана гэдэг нь хоёр бодлогын гол концепцыг хооронд нь уялдаж байна уу гэдгийг л харах асуудал. Энэ утгаараа 2015 оны төсвийн тодотголыг, одоо 9 сарын байдлаар 867 гэсэн үзүүлэлттэй алдагдалыг оны эцэст аль болохоор бага хүргэж байж, дараа оны 2016 оныхыг 0, -1-ын гэсэн интервалын хооронд батлавал төсвийн зохистой бодлого гарч ирнэ. За, баярлалаа.
Улсын Их Хурлын гишүүн С.Дэмбэрэлийн ажлын алба
Tweet
