УИХ-ын чуулганы нэгдсэн хуралдаанаар “Хилийн боомтын тухай хуулийн төсөл, Монгол Улсын Засгийн газрын тухай хуульд нэмэлт оруулах тухай, Газрын тухай хуульд нэмэлт, өөрчлөлт оруулах тухай, Монгол Улсын хилийн тухай хуульд нэмэлт, өөрчлөлт оруулах тухай, Гаалийн тухай хуульд нэмэлт оруулах тухай, Гадаадын иргэний эрх зүйн байдлын тухай хуульд нэмэлт, өөрчлөлт оруулах тухай, Хүн худалдаалахтай тэмцэх тухай хуульд өөрчлөлт оруулах тухай хуулийн төслүүд, “Тогтоолын хавсралтад өөрчлөлт оруулах тухай” Улсын Их Хурлын тогтоолын төслийг хэлэлцэх үеэр Ажлын хэсгийн гишүүн С.Дэмбэрэлийн хийсэн тайлбар:

•       “Худалдаа хөнгөвчлөх” гэдэг маань дэлхийн худалдааны байгууллагын 4 том бодлогын нэг нь байгаа юм. “Trade facilitation” гэж нэрлэгддэг, монголоор манай бүх баримт бичгүүдэд “худалдаа хөнгөвчлөх” гэдэг үгээр тэмдэглэгддэг юм. Оросоор бол “упрашение торговых процедур” гэж ярьдаг. Худалдаа хөнгөвчлөх, цахим нэг цонх, боомтын нэгдсэн менежмент гэсэн энэ 3 гол концефцийн чанартай зүйлүүд энэ хуульд ороод, энэ хууль маань шинэчилсэн найруулга болчихсон юм. Тийм учраас энэ худалдаа хөнгөвчлөхтэй холбоотой, үүнтэй уялдаад гадаад худалдааны цахим нэг цонх, тэр дотроо зураасан код гэх мэт энэ бүх зүйлсийн тодорхойлолтууд нь дандаа олон улсад байдаг тэр л тогтсон ухагдхуунуудаараа энд орж ирсэн байгаа.
•       “Эрсдэлд суурилсан зохистой хяналтын тогтолцоо” гэдэг үг бол бас л олон улсын л нэр томьёо байгаа юм. “Risk based management” буюу гааль дээр, “Азийн хөгжлийн банк” зэрэг хяналтын байгууллагууд болон Олон улсын санхүүгийн байгууллагууд дээр хэрэгжүүлж байгаа тэр л удирдлагын хяналтын тогтолцоо юм шүү дээ. Үүнийг одоогоор тодорхойлсон өөр монгол үг, нэр томьёо байхгүй учраас үүгээрээ л орж ирсэн. Түүгээр нь тавьж, тодорхойлолтыг нь мөн тэгж өгсөн байгаа.
•       Ер нь би одоо ойлгохоо больж эхэлж байна. Ажлын хэсгийн ахлагч М.Батчимэг гишүүн бид нарыг шөнийн 23:00 цаг хүртэл суулгаж, түргэн хоолоор хооллож байгаад боловсруулж, засч янзлаад, өөрчлөөд л оруулж ирээд байгаа зүйл шүү дээ. Үүнийг бид одоо яах ёстой байсан юм бэ? Байсан чигээр нь оруулж ирэх ёстой байсан юм уу? Тэгвэл бид УИХ-ын гишүүн байж, энд ингэж ажиллах суух ямар хэрэг байна? Муу юм орж ирвэл мууг нь засаад, сайжруулаад л явж байгаа ажил шүү дээ. Бидний өөрчилж янзалсан бүхнийг чичлээд байх юм.
•       Асуултанд хариулаад утгагүй болж эхэлж байна. Бид бүх зүйлийг мэддэг байх албагүй л дээ. Нэг хэсэг нь тодорхой асуудал дээр ажиллаад, тодорхой мэдээлэл аваад, тэрнийгээ хийгээд өгчихсөн байхад, тэр нь уначихаж байна л даа. Тэгэхээр энэ хуулийн чинь өөрийнх нь үзэл санаа үхчихэж байна шүү дээ. Ямар ч байсан энэ хууль одоо үргэлжлүүлж хэлэлцэх хэрэггүй болчихлоо. Би ажлын хэсгийн гишүүний хувьд тийм л бодол төрж байна. Ийм байдлаар хуулийг батлаад, мэдэхгүйн улмаас олонхиороо гар өргөөд, хамгийн гол үзэл санааг нь тээж яваа заалтуудыг унагаачихвал энэ хууль утгагүй болно. ийм жижиг сажиг, шальдар булдар асуултуудад хариулах бүр ч утгагүй болно. Зарчмаа л ярьцгаая.

З.Энхболд: - Шинэчилсэн найруулга гэж хэлж байна. Энэ чинь шинэ хууль биш үү? Тэгээд энэ дотроо С.Дэмбэрэл гишүүний хэлж байгаа зүйлсийг дэлгэрэнгүй оруулаад ирэхгүй яасан юм бэ? Тэгсэн бол бусдад нь ойлгоход амархан байх байжээ... Маш муу хууль орж ирээд, хэт олон зүйл дээр санал хураахаар байвал буцаах ёстой л доо. С.Дэмбэрэл гишүүн ээ,