Улсын Их Хурлын 2015 оны намрын ээлжит чуулганы 2015 оны 12дугаар сарын 23-ны өдрийн  /Лхагва гараг/ хуралдааны гар тэмдэглэлээс хүргэж байна.

Монголын Үндэсний Олон нийтийн радио, телевизийн Үндэсний зөвлөлийн гишүүнийг томилох тухай /Монгол Улсын Ерөнхийлөгч нэр дэвшүүлсэн/ асуудлыг хэлэлцэх үеэр Улсын Их Хурлын гишүүн С.Дэмбэрэл үг хэлж, байр сууриа илэрхийллээ.

Улсын Их Хурлын гишүүн С.Дэмбэрэл: Нэр дэвшигчдыг дэмжиж байгаа. Эхний асуудал бол Монголын үндэсний радио телевизийн засаглал юм. Бид бие даасан хараат бус засаглал байгуулах гэж ийм зүйл хийж байгаа. Бие даасан хараат бус засаглалыг байгуулахын тулд манай бүх хуулинд алдаатай нэг бодол бий. Энэ ньМонгол улсын ерөнхийлөгч, УИХ-ын дарга, Ерөнхий сайд нарыг дэвшүүлчихвэл бие даасан хараат бус байдал бий болдог гэсэн автомат механик ойлголт байсаар байна. Уг нь бол Монголын үндэсний  радио телевизийн нэр дэвшигчдийг төрийн бус байгууллагууд, иргэд, иргэдийн эвсэл дэвшүүлээд үүнийг нь тодорхой экспертын албад дүгнэж, үнэлгээ өгөөд, тэгээд энэ Байнгын хороогоор орж байх нь хамгийн ардчилсан, бие даасан хараат бус байдлыг хангасан томилгоо болж чадна. -Нэгдүгээрт

Хоёрдугаарт, -Энэ оруулж ирж байгаа хүмүүс нь тэр хүмүүсийн эрхийг нь хүндэтгэж байна. Гэхдээ хөрөнгө оруулалтын мэдүүлгээ өгөхгүй байна гэж хэлээд эндээс гарч байгаа нь өөрөө ямар шалтгаан вэ? Өөрөөр хэлбэл, тэр хүмүүсийн цаад талын шалтгаан биш, томилгоо маань хэр зэрэг зөв болж чадаж байна вэ гэдэг энэ асуудал гарч ирж байна. Засаглалын хувьд компаний засаглалтай ерөнхийдөө ижилхэн. Энэ олон нийтийн радиогийн удирдах зөвлөл бол компанийboard буюу төлөөлөн удирдах зөвлөл. Гүйцэтгэх захиралын баг буюу менежментийн баг байдаг. Түрүүн Н.Энхболд гишүүн хэлсэн. Гүйцэтгэх захиралдаа хөтлүүлдэг модель гэж байна. Гүйцэтгэх засаглал буюу менежментийн багаа хөтлөж явдаг нэг модель байна. Манайд бол хөтлүүлэх нь их болсон байх шиг харагдаад байдаг. Энэ талаасаа засаглалаа сайн сайжруулах хэрэгтэй. Тэгвэл яаж сайжруулах юм вэ? Хамгийн түрүүнд хөндлөнгийн үнэлгээг оруулж ирэх ёстой. Хөндлөнгийн үнэлгээ байхгүй цагт өнөөдөр яг энэ олон нийтэд зориулсан нэвтрүүлгүүд явж чадаж байна уу, үгүй юу гэдгийг энэ 15 хүн хийж чадахгүй. Хоорондоо маргалдаад дуусна. Хөндлөнгийн үнэлгээг түүнийг санхүүжүүлдэг мөнгөтэй байж, тухайн хөндлөнгийн үнэлгээ дээр үндэслэж,  шийдвэр гаргадаг бол энэ бол зөв засаглал тогтож байна гэсэн үг. Агуулга талаас нь харахад бол би санаж байна. Нэг хэсэг бол хайран юм гэж санагдтал “оо цаас их урдаг” нэвтрүүлэг байсан. Саяхан нэг нэвтрүүлэгээр манай нийгэм гутранги болсон гэж ярьж байсан. Тэр үнэн. Гутранги дүр чинь өөрөө мэдээллийн хүртээмж, мэдээллийн объектив чанар сайн зөв болж чадаагүй цагт бол 76 хүнийг үзэн ядах үзэл түүнийг нь дэврээсэн нэвтрүүлгүүд, түүнээс гадна төр засагт итгэдэггүй итгэлийг сулруулсан ийм зүйлүүд байнга гарсаар байна. Энэ  талаас нь төдийгүй контент талаас нь боловсрол дутаж байна. Боловсролын нэвтрүүлэг гэхээр бид нар хэдэн боловсролын их сургуулийн багш нарыг аваачаад болдог юм шиг боддог. Боловсрол гэдгийг хүний амьдралд хэрэгтэй. Хүний амьдралыг сайжруулахад тусалдаг тэр мэдлэг мэдээллийн цогц гэсэн утгаас нь ойлгож, тэгж боловсролын нэвтрүүлгүүдийг хийж байх ёстой. Дээр нь хэлэлцүүлгүүд маш дутуу явж байна. Парламентийн сувгийн нэг нэвтрүүлэг байдаг. Нилээн хол зайнаас Монголын парламент ингэж байна, тэгж байна гээд тухайн хүний субъектив дүгнэлт л ороод явж байдаг. Харин юу болов, ямар асуудал хэлэлцэв, ямар зүйл нь зөв болов гэдэг талыг нь хэлдэггүй. Жишээлбэл, моргейжын асуудлаар яагаад өргөн хэмжээний хэлэлцүүлэг хийх боломжтой. Өөрөөр хэлбэл, Үндсэн хуулийн цэц зөв, арилжааны банкны цэц зөв гэсэн талуудыг оролцуулсан ийм нэвтрүүлэг яагаад хийж болохгүй гэж. Би та бүхнийг томилогдсоноос чинь хойш нэг ч удаа хэвлэлийн бага хурал хийж, манай үндэсний зөвлөл энэ улиралд ийм зүйл хийлээ, ийм асуудлуудыг шийдлээ, гүйцэтгэх удирдлагатай ийм гэрээ байгууллаа, манай үндэсний радио телевизийн нэвтрүүлгийн агуулга, чанар ингэж сайжирлаа, ингэж муудлаа,  хөндлөнгийн ийм судалгааны баримт гаргалаа гэсэн дүгнэлт сонсоогүй.Ядахдаа улирал болгон нэг удаа хэвлэлийн бага хурал хийж байх ёстой. Эцэст нь аливаа зүйл бол өрсөлдөөнтэй байж хэмээнэ хөгждөг. Дотроо ч тэр гаднаа ч тэр. Арилжааны телевизүүдийн дунд байгаа төрийн бодлогыг олон нийтийн бодлогыг илэрхийлэх, олон нийтийн дуу хоолойг илэрхийлэх ийм телевизийн удирдлага энэ талаасаа маш сайн бодох хэрэгтэй. Энэ талаасаа сайн бодохгүй бол сонгууль ойртож байна, энэ талаас нь алдаа гарч магадгүй. Тийм учраас энэ тал дэр ялангуяа гүйцэтгэх захиралдаа хөтлөгддөг бус хөтлөж явдаг байх хэрэгтэй.

Улсын Их Хурлын гишүүн С.Дэмбэрэлийн ажлын алба