Улсын Их Хурлын 2015 оны хаврын ээлжит чуулганы Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдааны /2015.06.03. Лхагва гараг/ ийн хуралдааны гар тэмдэглэлээс хүргэж байна.

Хуралдаанаар эхлээд тус байнгын хорооноос ахмад настнуудад олгож буй тэтгэвэр барьцаалсан банкны зээлийн олголтын талаар баримтлах бодлогыг тодорхойлох, зээлийн хүүг бууруулах боломжийг судлах а суудлаар Нийгмийн даатгалын үндэсний зөвлөлд өгсөн үүрэг чиглэлийн үр дүнгийн талаарх танилцуулгыг сонссон юм.

Төрөөс тэтгэврийн шинэчлэлийн талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.02.06-ны өдөр өргөн мэдүүлсэн,эцсийн хэлэлцүүлэг/;-ийг хэлэлцэх үеэр Улсын Их Хуралын гишүүн С.Дэмбэрэл үг хэлж, байр сууриа илэрхийллээ.

Улсын Их Хуралын гишүүн С.Дэмбэрэл: Нийгмийн тодорхой хэсэгт зориулсан зээлийн тусдаа хууль гаргана гэдгийг би сайн мэдэхгүй байна. Student Loan буюу оюутны зээл гэж бий. Энэ бол олон жилийн түүхтэй, тогтсон санхүүгийн систем нь хүлээж авдаг, боломжтой зүйл дээр нь төр нь маш их оролцоод явдаг зүйл бий. Гэхдээ би эндээс хууль санаачилан гаргана гэдэг дээр эргэлзэж байна. Миний бодлоор өнөөдөр Монгол улсын санхүүгийн орчинд тэтгэвэрийн зээлийг зээлийн батлан даалтын системд яаж хамруулах вэ гэдэг тэр талаас нь бодвол илүү /практик талаасаа/ ач холбогдолтой юм. Одоогийн байдлаар зээлийн батлан даалтын систем гэж Монгол улсад бий. Энэхүү зээлийн батлан даалтын системд тодорхой нөхцөлтэйгээр тэтгэвэрийн зээлийг хамруулж өгөх боломжыг оруулж өгвөл сайн байна. Хууль санаачилах гэж байгаа хүмүүс энэ асуудлыг бодолцож үзээрэй.  

Улсын Их Хуралын гишүүн С.Дэмбэрэлийн ажлын алба