Улсын Их Хурлын 2015 оны намрын ээлжит чуулганы 2015 оны 02 дүгээр сарын 18-ны өдрийнТөрийн байгуулалтын байнгын хорооныхуралдааны тэмдэглэлээс хүргэж байна.

Монгол Улсын Засгийн газрын гишүүнийг огцруулах тухай асуудлыг хэлэлцэх үеэр УИХ-ын гишүүн С.Дэмбэрэл үг хэлж, байр сууриа илэрхийллээ.

УИХ-ын гишүүн С.Дэмбэрэл: Нэгдүгээрт, Өнөөдөр хэлэлцэж байгаа асуудлыг нилээн сайн сонслоо. Төсвийн тухай хууль гэж байгаа. Засгийн газрын тухай хууль гэж байгаа. Төсөвтэй холбоотой “Хэн юу хийх”-ийг Засгийн газрын гишүүд түүний сайдууд тухайлбал хэрэг эрхлэх газрын дарга мэдэж байх ёстой. Өөрөөр хэлбэл яг юу хийх ёстой,  юун дээр гарын үсэг зураг ёстой гээд бүх зүйлийг бид хуулийн хүрээнд л явуулж ажилдаг.

Хоёрдугаарт, Хөвсгөл аймгийн Рэнчинлхүмбэ сумын эмнэлгийн засварт зориулсан санхүүжилтын мөнгийг /Сангийн яам, Засгийн газраас эцэслэн батлагдсан/ оруулж ирсэн материал дээр хүргүүлэх буюу хугацаанд нь хүргүүлэх асуудлыг хуулийн процедурын дагуу УИХ-ын гишүүн С.Баярцогтын гарын үсэгтэй байсан тохиолдол гарлаа гэхэд Хөвсгөл аймгийн Рэнчинлхүмбэ сумын эмнэлгийн засварт зориулагдах ёстой байсан 5 тэрбум төгрөгийг 4 тэрбум гээд бичсэн бол С.Баярцогт гишүүний  буруу биш. Энэ төсвийг хийсэн, төлөвлөсөн шат шатных нь хүмүүсийн буруу.

Мөн 17 тэрбумтай төсөв баталжээ. Уг нь төсвийн тухай хуулиар УИХ-ын холбогдох байнгын хороо, намын бүлгүүд, ажлын хэсгүүд тус бүр ажиллаад, бүх зүйлүүдийг хэлэлцээд, энэ мөнгийг ингэж зарцуулах нь зөв үү, Монгол улс тухайлбал 17 тэрбум төгрөгөөр гадны зөвлөх үйлчилгээ авах нь зөв үү, зохистой юу, юунд зарцуулах гэж байгаан, бүгдийг нь хэлэлцээд, бодвол баталсан байлгүй дээ.

Манай өнөөдрийн бас нэг дутагдал нь төсвийн байнгын хороо дээр энэ асуудлыг яаж, яаж хэлэлцээ вэ гэдэгт  тэр болгон оролцоо муутай байдаг. Тийм учраас энэ тал дээр би сайн мэдэхгүй байна. Ямар ч гэсэн хуулиа дагаж бид нар энэ тухай ярьж байгаа бол, Төрийн байгууллалтын байнгын хороо зөвхөн хуулийн дагуу, асуудлыг авч хэлэлцэж байгаа бол өнөөдөр бидэнд асуудал авч хэлэлцэх обьект чинь байхгүй байна. Өөрөөр хэлбэл хэлэлцэх асуудал байхгүй байна. Юу хэлэлцээд байгааг ойлгохгүй байна. Хуулийн дагуу явсан юм байна, гэхдээ хаяг андуурсан юм шиг. С.Баярцогт гишүүний “ядахдаа тэрнийгээ харчих” гэсэн нэг буруу гарах шиг боллоо. Ер нь бол ядахдаа түүнийгээ харах ёстой гэсэн хуулийн заалт байхгүй. Хууль бусаар байна гэдгийг баталсан үндэслэлүүдийг гишүүд нь тавьлаа гэхэд түүнийг хууль бус гэж баталсан баримт бичгүүд нь бас алга.Мөн Монгол улсад өнөөдөр хэрэв олон улсын хэлэлцээр хийж чадах, үндэсний  чадавхи /national bargaining power/ дутуу байвал бид зөвлөх үйлчилгээ авч болно. Гэхдээ хэнийг авах, яаж авах, ямар хөлсөөр авах гээд энэ бол бас л хэлэлцэгдээд явах асуудал. Саяхан ажлын хэсгээс 4-5 салбаруудад авах гэсэн юмаа гэж ярилаа, тэгээд УИХ –аар баталсан юм байна. Одоо тийм бол үүнийгээ төсвийн байнгын хороогоороо ярьцгаа. Ийм байгаа бол төсвөө дахин тодотго. Хуулиараа ийм л зүйл ярих ёстой. Төрийн байгуулалтын байнгын хороо дээр  гарын үсэг зурсан, өөрөөр  хэлбэл ядахдаа харж зурахгүй яасан юм бэ гэж хэлэлцдэг хуулийн дэг, хуулийн заалт байхгүй.

УИХ-ын гишүүн С.Дэмбэрэлийн ажлын алба