Улсын Их Хурлын чуулганы 2015оны намрын ээлжит чуулганы Байгаль орчин, хүнс, хөдөө аж ахуйн байнгын хорооны 2015 оны 01 дүгээр сарын 7-ны өдөр /Лхагва гараг/-ийн хуралдааны тэмдэглэлээс хүргэж байна.
Агаарын бохирдлыг бууруулах асуудлын дэд хорооны бүрэлдэхүүнд өөрчлөлт оруулах тухай асуудалыг хэлэлцэх үеэр
Монгол Улсын Их Хурлын тухай хуулийн 27.1.5-д заасны дагуу Агаарын бохирдлыг бууруулах асуудлын дэд хорооны бүрэлдэхүүнд өөрчлөлт оруулах тухай асуудлыг Байгаль орчин, хүнс, хөдөө аж ахуйн байнгын хорооны дарга, Улсын Их Хурлын гишүүн Су.Батболд танилцуулав.
Байгаль орчин, хүнс, хөдөө аж ахуйн байнгын хорооны дарга, Улсын Их Хурлын гишүүн С.Батболд: - Өнөөдөр Байнгын хорооны хуралдаанаар хэлэлцэх асуудлыг та бүхэнд танилцуулъя.
Агаарын бохирдлыг бууруулах асуудлын дэд хорооны бүрэлдэхүүний тухай асуудлыг ярина. Хэлэлцэх асуудалтай холбоотой өөр саналтай гишүүн байна уу.
Монгол Улсын Их Хурлын тухай хуулийн 27.1.5-д Байнгын, дэд, түр хорооны бүрэлдэхүүний талаар Улсын Их Хурлын даргатай зөвшилцөнө гэж заасны дагуу Улсын Их Хурал дахь намын бүлгүүд Улсын Их Хурлын даргад саналаа хүргүүлсэн байгаа. Тухайлбал, Монгол Ардын Намын бүлгээс Улсын Их Хурлын гишүүн Су.Батболд, Я.Содбаатар, Ч.Хүрэлбаатар нарыг дэд хорооны бүрэлдэхүүнд оруулах асуудлаар саналаа хүргүүлсэн байна.
Иргэний Зориг, Ногоон Намаас Улсын Их Хурлын гишүүн С.Оюуныг дэд хорооны бүрэлдэхүүнд оруулах саналаа хүргүүлсэн байна.
Мөн Монгол Ардын Хувьсгал Нам, Монголын Үндэсний Ардчилсан Намын Шударга Ёс эвслийн бүлгээс Улсын Их Хурлын гишүүн Д.Тэрбишдагвыг дэд хорооны бүрэлдэхүүнээс чөлөөлөх саналыг Улсын Их Хурлын даргад хүргүүлсэн байна. Ийм учраас энэ дэгийн дагуу энэ ирүүлсэн саналуудыг үндэслэж дэд хорооны бүрэлдэхүүний асуудлыг ярина. Одоохондоо Ардчилсан Намын бүлгээс Улсын Их Хурлын даргад саналаа хүргүүлээгүй байгаа учраас өнөөдрийн хүргүүлсэн саналуудаар бид нар асуудлаа хэлэлцээд явъя гэж бодож байна. Хэлэлцэж байгаа асуудалтай холбогдож асуулттай гишүүд байна уу?
Улсын Их Хурлын гишүүн С.Дэмбэрэл: Жижиг Дунд Үйлдвэрлэлийн Хөгжлийн Дэд хороонд тухайлбал, Монгол Ардын намаас Ж.Батсуурь, С.Бямбацогт гэсэн хоёр хүнийг санал болгож байгаа юм байна. УИХ-ын гишүүн Ж.Батсуурь нь Эдийн засгийн байнгын хорооны дарга. Тэгээд Эдийн засгийн байнгын хорооны дарга нь өөрийнхөө харъяа дэд хорооны бүрэлдэхүүнд ороод байдаг нь жаахан утгагүй болох талтай. Жишээ нь би Эдийн засгийн байнгын хорооны буюу Ж.Батсуурь гишүүний цэрэг нь. Тэгсэн чинь би эргээд Ж.Батсуурь гишүүнийг даргалах гээд байна. Тэгэхээр үүнээс:
2. Шийдвэр гаргахад, дэд хорооны тухай хуулиар “аливаа нэг шийдвэр гаргаад нөгөө Байнгын хороогоороо дамжуулдаг”, жишээлбэл Байнгын хорооны дарга нь суучихаад нөлөөлөх ч юм уу, эс нөлөөлөх тийм үйлдэл харагдаж бас болохгүй л дээ. Тэгэхээр би тэр талаас нь хэлж байгаа юм. Үүнийг одоо яах ёстой юм бэ ? Ардын Намын бүлэг дээр үүнийг анхаарч, өөр хүн оруулбал...
Байгаль орчин, хүнс, хөдөө аж ахуйн байнгын хорооны дарга, Улсын Их Хурлын гишүүн Су.Батболд: - С.Дэмбэрэл гишүүний асуултад хариулъя. Улсын Их Хурлын дарга мөн Байнгын хороодод харъяалагдаж байгаа. Өөрөөр хэлбэл Улсын Их Хурлын Байнгын хороод болон дэд хороод бол Улсын Их Хурлын дотоод бүтцийн асуудал. Тэр утгаараа дэд хороон дээр Байнгын хороон дарга оролцоод, ороод явдаг. Улсын Их Хурлын дарга болон дэд дарга нар Байнгын хорооны бүрэлдэхүүнд ороод явах нь шийдвэр гаргах процесст нөлөөлөхгүй. Тэр нь өөрийнхөө Улсын Их Хурлын гишүүний бүрэн эрхээ хэрэгжүүлээд явна гэдэг дээр бол бодолцож байгаа.
Тэгээд манайх бол зөвхөн Агаарын бохирдлыг бууруулах асуудлын дэд хороо учраас энэ асуудал дээр яръя. Тэр асуудал хэрэв шаардлагатай гэж үзэх юм бол та манай бүлэгт саналаа тавьж болно. Тэгэхдээ тэр бол одоогийн байгаа дэгээр, хуулиар бол алинд ч, хаана ч хэн харъяалагдаад явах бололцоотой гэж бодож
Улсын Их Хурлын гишүүн С.Дэмбэрэл: -Агаарын бохирдолын дэд хорооны тухай УИХ-ын тухай хуулинд:
Хоёрдугаарт, Агаарын бохирдолыг бууруулах дэд хорооны даргаар хэн нэгэн хүн томилогдон ажиллах байх, тэгээд Туул голын бохирдолын асуудалыг онцгойлон анхаарч ажиллаасай гэж хүсч байна. Энэ бол шууд Агаарын бохирдолын дэд хорооны асуудал. Лондоны цэвэр агаар / Clean air London /гэж Лондон хотын захиргаанаас санаачилсан төслийн туршлага маш их бий, Лондончуудаас сурах зүйл маш их байна. Мөн Бээжингийн туршлага ч байгаа. 2015 онд Агаарын бохирдолын дэд хороо санаачлаад Улаанбаатар, Лондон, Бээжин гэсэн 3 улсын уулзалтыг зохион байгуулбал үр дүнтэй шүү гэдгийг санал болгож хэлэх гэсэн юм.
Байгаль орчин, хүнс, хөдөө аж ахуйн байнгын хорооны дарга, Улсын Их Хурлын гишүүн Су.Батболд: - За баярлалаа. С.Оюун гишүүн саналаа хэлье.
Улсын Их Хурлын гишүүн С.Оюун: - Энэ асуудал Улсын Их Хурлын хувьд үнэхээрийн орчны бохирдлын хамгийн тулгамдсан асуудал, топ асуудал мөн. УИХ-ын гишүүн Л.Эрдэнэчимэг гишүүн нэлээн их анхаарлаа хандуулсан. Гэхдээ Улсын Их Хурлын гишүүд энэ дэд хороонд цаашдаа орох гишүүд, ер нь манай Байгаль орчин, хүнс, хөдөө аж ахуйн байнгын хороо яг үнэхээрийн агуулга нь юу юм, шийдлүүд нь юу байгаа юм, хэдэн төгрөг цаана нь шийдэх ёстой юм. Яг бодлого юу юм бэ гэдгийг нарийн сэтгэлээсээ ороод ойлгоод энэ Их Хурал шийдэхийн төлөө явахгүй бол агуулгаараа за яах вэ нэг ингээд буурсан юм шиг, үгүй юм шиг. Инээгээд ингээд бас нэг онигоо болгож болмооргүй байгаад байгаа юм. Яг тэр сүүлийн 3 жилийн динамикийг хараад, хэдэн төгрөг оруулаад, тэр нь юундаа зарцуулагдсан юм. Тэгээд тэр нь яг бууруулж чадсан юм уу, чадаагүй юм уу. Өргөс авсан юм шиг шийдэл үнэхээрийн байхгүй. Газыг өнөөдөр нэвтрүүлж чадахгүй. Нэвтрүүлсэн ч гэсэн 5 мянган айлаар, цаана чинь 170, 180 мянган айл байгаа.
Тэгэхээр хүссэн ч хүсээгүй ч богино хугацааны, дунд хугацааны, урт хугацааны гээд айхтар шийдлүүд байгаа. Тэрийг ингээд үнэхээрийн ойлгоод явах хэрэгтэй байна даа дэд хороо. Тэгээд би бас гишүүнээр нэрээ дэвшүүлж байгаа. 2 жил энэ асуудал дээр анхаарал хандуулаад шийдэхийн төлөө явсан. Тэгэхдээ маш, шийдэхэд амаргүй ч гэсэн бага багаар мөлжөөд шийдэж болох л юм билээ. Удаан хугацаа хэрэгтэй. Тэгээд нэг жилдээ 20 тэрбум төгрөгийн төсөв санхүүждэг. Энэ 2015 онд 16 гээд сууж байгаа. Тэр бол ерөөсөө энэ агаарын бохирдлыг нэг жилд буулгачих мөнгө биш байхгүй юу. Тэгээд 10, 20-иор нь зардаг хэрнээ буурдаггүй гээд шүүмжлээд байдаг хэрнээ тэгвэл оронд шийдэл нь юу юм бэ гээд тэгээд гишүүд ингээд зүгээр толгойноосоо ийм шийдэл байна, тийм шийдэл байна гээд хэлдэг. Тэрийг нь яг ингээд цаасан дээр буулгаад энэ чинь тэгвэл ингэж ингэж болж байна, болохгүй байна гэхээр нээрээ тийм юм байна шүү дээ гээд тийм амар шийд биш гэдгээ өөрсдийнх нь санаа нь хүртэл тийм амархан шийдэгдэхгүй юм байна гэдгээ ойлгодог байхгүй юу.
Тэгэхээр одоо энэ дэд хороонд орох гишүүд маань үнэхээрийн бид нар бас сэтгэлээ гаргаад хамтраад энэ хариуцаж байгаа яамтай нь хамтраад үндэсний хороо гээд байгаа. Ерөнхий сайд даргалж байгаа. Үндэсний хороотой нь хамтраад. С.Дэмбэрэл гишүүний санаачилан батлуулсан хуулиар зөвхөн яам бус, бүх яамдууд энийг хариуцах ёстой. Чиглэл чиглэлээрээ ингээд орсон. Тэр яамдуудыг нь дуудаад шийдлүүдийг нь гаргуулаад, үндэсний хөтөлбөр гэдгийг нь гаргуулаад ч юм уу ингээд л эцэслээд гаргаад бид нар явах хэрэгтэй.
Тэгээд нэг өнгөцхөн ерөөсөө хандаж болохгүй байгаад байгаа байхгүй юу. Өнгөцхөн ингээд хандаад байж бас болохгүй шүү. Энэ дотор үнэхээрийн ороод ингээд сэтгэлээсээ ажиллах хүмүүс орж байгаа байх. Тэгээд хамтраад. Би бас нэрээ дэвшүүлсэн байгаа. Дэд хорооны гишүүнээр ажиллахаар. Дарга болох болохгүй нь хамаагүй. Тэгээд урьд нь хийж байсан тэр бодлого мэдээллүүдээ сайн хуваалцахад бэлэн байна.
Улсын Их Хурлын гишүүн С.Дэмбэрэлийн ажлын алба
Tweet
