2014 оны 12 дугаар сарын 23-ны өдрийн Төрийн байгуулалтын байнгын хорооны хуралдааны дэлгэрэнгүй тэмдэглэлээс хүргэж байна. Монголын Үндэсний олон нийтийн радио, телевизийн Үндэсний зөвлөлийн зарим гишүүнийг томилох тухай асуудлыг хэлэлцэх үеэр
УИХ-ын гишүүн С.Дэмбэрэл: -Хуулийн дагуу УИХ-аас нэр дэвшүүлэх 4 орон тоонд 25 хүн өрсөлдөж байгаа нь өөрөө их зүйл хэллээ. Өөрөөр хэлбэл 25 хүн өрсөлдөх зарлалыг сайн хийсэн байна, тэдний хэрхэн сонгогдсон гэдгийн талаар ярихгүй. Харин 2 гишүүний суудлын төлөө 5 хүн байгаа нь зарлалыг муу хийсэн байна гэж харлаа. Бодитой л асуудал ярих хэрэгтэй.Монголын Үндэсний олон нийтийн радио, телевизийн ерөнхийлөгчийн хувьд ярих юм байхгүй, зөв хүн оруулж иржээ. Процессын хувьд сая хийсэн сонголт шударга байж чадсан уу, миний хувьд бүрэн итгэлтэйгээр чадсан гэж хэлж чадахгүй. Нэр дэвшүүлэх асуудал шудрага явагдсан боловч... Гэхдээ энд хэний ч буруу байхгүй. Угаасаа манай байгаа систем нь энэ. Хууль нь ч бас. Монголын Үндэсний олон нийтийн радио, телевизийн Үндэсний зөвлөлийн гишүүдэд захиж хэлэх зүйл байна.
Нэгдүгээрт: МҮОНРТ-ийн асуудлын гол шийдлийг хүний тоо гэж битгий хараарай. Хэдийгээр олон нийтийн дунд Монгол орон даяар “нэг л данхайсан бүтэц, 10000 хүн” ажиллаж байна гэдэг ч, гол нь хүний тоог багасгахдаа асуудал биш шүү.
МҮОНРТ-ийн гүйцэтгэх засаглалын үр ашгийг дээшлүүлэж, хүн бүрийн бүтээмжийг нэмэгдүүлэхийн тулд удирдах зөвлөл оновчтой шийдвэр гаргаж байвал болно. Аливаа ажлын цаана хүний аж амьдрал байдаг, энэ талаас нь та бүхэн бодохыг хүсэж байна.
Хоёрдугаарт: Монголын Үндэсний олон нийтийн радио, телевизийн хуулийн асуудал байдаг. МҮОНРТ гүйцэтгэх захиралдаа дөрлүүлсэн гэж ярьдаг, гэтэл хууль өөрөө тийм. Хоёр жилийн өмнө МҮОНРТ-ийн Үндэсний Зөвлөлийн дарга Г.
Аливаа байгууллагыг бие даасан хараат бус байдал санхүүтэй холбоотой. Гэтэл манай хуулинд энэ заалт нь алга байна. Өөрөөр хэлбэл жинхэнэ итгэл үнэмшлээр ажиллахын тулд МҮОНРТ-ийн хуулинд “бие даасан, хараат бус байх” зарчмыг суулгаж өгөх хэрэгтэй. Түрүүн Л.Цог гишүүн “би хуулийн төслийг өргөн барихад бэлэн байна” гэж хэллээ. Бие даасан, хараат бус зарчмаар ажилладаг олон байгууллагууд /Үндэсний статистикийн хороо/ УИХ-д байна. Эдгээр байгууллагуудын хуулинд бие даасан хараат бус байдалыг яаж тодорхойлсон байна вэ гэдгийг судлах хэрэгтэй. Тухайлбал Төвбанкны тухай хуулинд “Монголбанк бие даасан, Монгол Улсын Засгийн газраас хараат байна” гэсэн байдаг. Олон улсын хувьд энэ чиглэлээр 2 төрлийн хараат бус байдал байдаг.
1. Зорилгын хувьд /goal independence /
2. Үйл ажиллагааны хувьд /operational independence /
Тэгэхээр та бүхэн хоёр талаас нь судалж хуулиа сайжруулж, боловсронгуй болгоход анхаараасай гэж бодож байна.
Tweet
