2014 оны 10 дугаар сарын 07-ны өдрийн Төрийн байгуулалтын байнгын хорооны хуралдааны тэмдэглэлээс:
Монгол Улсын Засгийн газрын бүтцийн тухай хуульд өөрчлөлт оруулах тухай, Монгол Улсын Засгийн газрын тухай хуульд нэмэлт, өөрчлөлт оруулах тухай хуулиудын төсөл, “Төрийн захиргааны байгууллагын тогтолцоо бүтцийн ерөнхийбүдүүвч батлах тухай Монгол Улсын Их Хурлын 2014 оны 14 дүгээр хавсралтад өөрчлөлт оруулах” тухай Улсын Их Хурлын тогтоолын төслийн анхны хэлэлцүүлэг.
С.Дэмбэрэл: Ерөнхий сайд 2012-2014 он хүртэл ийм бүтцээр ажиллалаа. Одоо 2014-2016 он хүртэл ийм бүтцээр ажилламаар байна гэж оруулж иржээ. Ерөнхий бүтэц нь Ерөнхий сайдын бүрэн эрхэд хамаарч байгаа, тийм учраас энэ бүтцийг дэмжинэ.
Асуух асуулт маань яамдуудыг ингэж нэгтгэсэнээр 2014 онд эхэлсэн “Төрийн хүнд суртлыг багасгах, тусгай зөвшөөрөл лицензийг багасгах”-д хэр зэрэг эерэг үр нөлөө үзүүлсэн бэ? Тоогоор тодруулах арга байна уу? гэсэн нэгдүгээр асуулт байна. Ингэж ийм бүтэцтэй ажилласанаар цаашдаа Засгийн газрын яамдын болон агентлагуудын олон нийт, сэтгүүлчдэд зориулсан ил тод байдлыг хэрхэн яаж хангах төлөвлөгөөтэй байгаа вэ? гэсэн хоёр дахь асуулт байна. За баярлалаа.
Н.Алтанхуяг: Тоо байна уу? Хэлж чадах уу? Би шууд тоогоор хариулж чадахгүй юм шиг байна.
Хууль эрх зүйн хэлтсийн дарга Энхтуяа: Ерөнхий сайдын болон Ч.Сайханбилэг сайдын тушаалаар байгуулагдсан ажлын хэсэг аж ахуйн үйл ажиллагаа эрхэлж байгаа төрөөс олгож байгаа лиценз, тусгай зөвшөөрөлийн тоог бууруулах ажилд бүтэн нэг жил зургаан сар судалгаа хийсэн . Энэ ажлын хугацаанд нийт 1164 тоон зөвшөөрлийг хоёр удаагийн ажлын хэсгийн хуралдаанаар хэлэлцээд, “Зөвшөөрөлийн болон зөвшөөрлийн жагсаалтын” тухай хуулийг УИХ-д өргөн барьсан. Зөвшөөрлийн жагсаалтын дүгнэлтэд нийт 392 зөвшөөрлийг хуульчилъя” гэсэн тоо байна. 1164-өөс 300 нь л албан ёсоор үлдэнэ гэсэн үг...
А.Бакей: С.Дэмбэрэл, А.Бакей, Батцогт нарын гишүүд гаргасан нэг санал байна.
Засгийн газрын тухай хуульд нэмэлт, өөрчлөлт оруулах тухай хуулийн төсөлд “геологи, уул уурхай, эрчим хүчний сайдын эрхлэх асуудлын хүрээн дэх хүнд үйлдвэрийн бодлогын асуудал” гэж нэмэх, үүнтэй холбогдуулан хуулийн төсөлд хуулийн 20 дугаар зүйлийн 5 дугаар хэсгийн 13 дахь заалтын Үйлдвэр Хөдөө Аж Ахуйн сайдын эрхлэх асуудлын хүрээний “хүнд болон хөнгөн үйлдвэрийн бодлогын асуудал” гэснийг “хөнгөн үйлдвэрийн бодлогын асуудал” гэж өөрчлөх. Үндсэндээ хүнд үйлдвэр бол Үйлдвэр Хөдөө Аж Ахуйн яамнаас Уул уурхай, Эрчим хүчний яам руу шилжиж байна гэсэн үг.
{C}- {C}Яагаад шилжүүлж байгаа юм бэ? үндэслэл нь юу вэ? Аж үйлдвэрийн цогцолбор дээр яах вэ?
С.Дэмбэрэл: Аж үйлдвэрийн ямар нэгэн цогцолбор бий боллоо гэхэд холбогдох яамдууд нь өөр өөрийнхөө эрхэлсэн ажил чиг үүргийн хүрээнд бодлогоо хэрэгжүүлээд л явна. Ер нь Монгол Улсын өнөөдрийн хүнд үйлдвэрийн байдал, хөгжиж байгаа байдал нь хэтийн төлөвлөгөөг харахад, уул уурхай, дэд бүтэц тал руугаа явуулна гээд энэ рүүгээ харъяалуулсан байна. Цаашид явах хүнд үйлдвэржилтийн бодитой тал руу нь дөхүүлэх гэсэн утгаар л орж байгаа юм. шинээр бий болох олон хүнд үйлдвэрүүдийг Үйлдвэр, Хөдөө Аж Ахуйн яамд харъяалуулж, уул уурхайтай холбоотой, эрчим хүчтэй холбоотой, геологитой холбоотой олон асуудлуудыг нь мэргэжилтэн байхгүй ийм яам руу өгчихөөр тасалдал үүсэх, координаци алдагдах явдал гарна байх гэж ярилцаад, тэр утгаар нь л шилжүүлье гэж оруулж байгаа юм.
А.Бакей: Санал хураалт явуулна. 16-15 энэ санал дэмжигдлээ...
А.Бакей: С.Дэмбэрэл, Су. Батболд нарын гишүүдээс тогтоолын төсөлд 4 дэхь заалт нэмэх санал ирүүлжээ. Энд “Ерөнхий сайдад 2015 оны эхний хагас жилд багтааж, мэдээллийн ил тод байдлын түвшинг 80% хүргэх” гэсэн байна. Үүнийгээ тайлбарлана уу.
С.Дэмбэрэл: Су.Батболд гишүүн Төрийн байгуулалтын байнгын хорооны чиг үүрэгт байдаг төрийн байгууллагуудыг зөвхөн тоон утгаар нь биш чанарын талаас нь сайжруулах, сайн засаглал гэсэн утгаар нь асуулга тавиад, тэрний дагуу засгийн газрын мэдээлэл харилцаа холбооны газрын дарга Жадамбаагийн гарын үсэгтэй засгийн газрын бүх яамдуудыг мэдээлэл ил тод байдлаар нь эрэмбэлээд, /агентлагуудын оруулаад/ их чухал мэдээлэл өгсөн байна. Өнөөдрийн бидний ярьж байгаа асуудал болох хичнээн яамтай байх вэ, алийн ингэх вэ гэсэн тоон утгын биш доторх сайн засаглалын гол шинж болсон мэдээлэлийн ил тод нээлттэй засаглалын түвшинг нь гаргаад ирүүлсэн байна. Тэрнээс харахад түвшин нь их доогуур байсан, үүнийг Жадамбаагийн газраас гаргасан байна. Энэ цаашдаа Ерөнхий сайдад их чухал асуудал учраас ингээд оруулчихвал яасан юм бэ? Одоо хэдийгээр нээлттэй байгаа ч гэсэн нээлттэй байдлын түвшин нь 30% байгаа, тэрнээс ч илүү дээшлүүлээд 80% болгочихвол яасан юм бэ гэсэн зүйлийг хэлчихвэл, бидний өнөөдрийн хэлэлцэж байгаа асуудал зөвхөн тоон утгаараа биш, агуулга талаасаа, чанар талаасаа их ач холбогдолтой болно. Тийм учраас байнгын хорооноос гарах тогтоол олонд нийцтэй, хүртээмжтэй, хүмүүст ойлгомжтой болох болов уу гэж бодоод Су.Батболд гишүүний саналыг дэмжээд бид 2 оруулж байгаа юм.
Tweet
