Дугаар

Санал

Төсөлд туссан эсэх

1.

Төслийн 11.1-д заасан “Үнэт цаас гаргагч дангаар,эсхүл зохицуулалттай этгээдтэй байгуулсан гэрээний үндсэн дээр үнэт цаасаа үнэт цаасны анхдагч зах зээлд худалдахаар 50 ба түүнээс дээш тооны хөрөнгө оруулагчдад танилцуулах, сурталчилахзамаар санал болгоно” гэснээс дангаар гэснийг хасах. Үнэт цаасыг нийтэд санал болгон гаргахдаа зөвхөн андерраитераар заавал дамжиж гаргах зохицуулалтыг тусгах шаардлагатай гэсэн санал гаргасан.

Саналыг авсан.Төсөлд үнэт цаасыг нийтэд санал болгон гаргах бүх тохиолдолд үнэт цаас гаргагч өөрөө дангаараа гаргах зохицуулалтыг тусгаагүй бөгөөд хамгийн нийтлэг хэлбэр болох компани хувьцаагаа нийтэд санал болгон гаргаж байгаа тохиолдолд заавал андеррийтерийн байгууллагатай гэрээ байгуулан түүгээр дамжуулан арилжаалах шаардлагатай байхаар төслийн11.3-т заасан. Харин компаниас бусад этгээд, тухайлбал засгийн газар, нийслэл нийтэд үнэт цаас /бонд/ гаргах тохиолдолд заавал андеррайтераар дамжихгүйгээр өөрөө гаргах боломжтой гэж байхаар зохицуулагдсан.

2.

Төслийн 12.6-д заасан “Үнэт цаасны анхдагч зах зээлийн арилжааны тайланг Хороо ажлын 3 хоногт багтаан хянах ба зөрчил гараагүй, анхдагч зах зээлийн арилжаа амжилттай болсон гэж үзсэн тохиолдолд үнэт цаасны хоёрдогч зах зээлийн арилжааг эхлүүлэх зөвшөөрлийг олгоно” гэснээс “эрхийг нээх зөвшөөрөл олгоно”. Гэснийг “эрхийг танилцуулга ба төсөлд дурьдсан зориулалтын дагуу” гэж өөрчлөх санал гаргасан.

Саналыг аваагүй. Учир нь Төслийн үнэт цаасны арилжаанаас төвлөрүүлсэн мөнгөн хөрөнгийг захиран зарцуулах эрхийг Хороо нээхтэй холбоотой зохицуулалтыг төслөөс Эдийн засгийн байнгын хорооны саналаар хассан тул уг саналыг тусгах боломжгүй болсон.

3.

Төсөлд 12.7-д шинээр “Үнэт цаас гаргагч нь Компанийн тухай хуульд нийцүүлэн анхдагч зах зээлийн хувьцаа эзэмшигчдийн хурлыг зарлан хуралдуулж, компанийн дүрэм, хөгжлийн төсөл, хөтөлбөрөө батлаж, хараат бус гишүүд бүхий ТУЗ-ийг сонгож улсын бүртгэлд бүртгүүлсэнээр шинэ хувьцаат компанийг албан ёсоор бий болсонд тооцно. Хороо болон үнэт цаасны арилжаа эрхлэх байгууллагаас холбогдох шаардлагууд хангагдсан гэж үзвэл шинэ ХК-ийн үнэт цаасны хоёрдогч зах зээлийг нээнэ” гэсэн заалт нэмж оруулах санал гаргасан.

IPO хийж буй компанид хөрөнгө оруулж буй хувьцаа эзэмшигч нь түүний үнэт цаасны танилцуулгад заасан мэдээлэл, түүнийг хэрэгжүүлэх удирдлагын багт итгэж хөрөнгө оруулалтын шийдвэр гаргадаг. Мөн тухайн компанийг анхдагч зах зээл дээр хувьцаагаа арилжаалж бүрэн дууссанаас хойш тодорхой хугацаанд хувьцаа эзэмшигчдийн хурлыг зарлан хуралдуулах, түүгээр компанийн удирдлага, үйл ажиллагааны төлөвлөгөө зэрэг асуудлыг хэлэлцэн шийдвэрлэх үүргийг Санхүүгийн зохицуулах хороо тухайн компани тус бүр дээр, хувьцааг бүртгэх шийдвэр гаргахдаа үнэт цаас гаргагч компанийн удирдлагад үүрэг болгодог бөгөөд энэ үүргийн хэрэгжилтийг хангуулж ажилладаг. Нөгөө талаас компани өөрчлөн зохион байгуулагдаж байгаа тохиолдолд /ХХК-ийн хэлбэрээс ХК хэлбэрт шилжих/тухайн шийдвэр гарснаас хойш ажлын 10 хоногийн дотор улсын бүртгэлд бүртгүүлэх, ингэж бүртгүүлснээр ХК хэлбэрт шилжсэн гэж үзэх зэрэг бүртгэлтэй холбоотой нарийвчилсан зохицуулалт Улсын бүртгэлийн ерөнхий хууль, Хуулийн этгээдийн улсын бүртгэлийн тухай хууль зэргээр нарийвчлан зохицуулсан болно.

4.

Төслийн 20.1.5-д заасан “Үнэт цаасны танилцуулгад заасан төслийн хэрэгжилт өөрчлөгдсөн тохиолдолд тухай бүр нийтэд болон хувьцаа эзэмшигчдэд мэдээлэх;” үүрэгтэй гэснийг мэдээлээд зогсохгүй хувьцаа эзэмшигчдэд учирч болох эрсдэл, хохиролыг хэрхэх талаар тэдэнд мэдээлэх талаар зохицуулалтыг нэмж оруулах санал гаргасан.

Төслийн 10, 11, 12, 88 дугаар зүйлүүдээр хувьцаа танилцуулгад зааснаар төвлөрүүлсэн мөнгөн хөрөнгийг зарцуулах, Хорооны зөвшөөрөлгүйгээр үнэт цаасны танилцуулга, үнэт цаас гаргах тухай шийдвэрийг өөрчлөхгүй байх, мөн үнэт цаас гаргагчийн эрх бүхий албан тушаалтанд дээрхээс үүдсэн хариуцлагыг хамтран хүлээх зэрэг зохицуулалтыг төсөлд тусгасан.

5.

Төслийн 65.2.5-д заасан “зохицуулалттай үйл ажиллагаанаас үүссэн үүргийг гүйцэтгүүлэх, хөрөнгө оруулагчдын эрх ашгийг хамгаалах зорилгоор тодорхой хэмжээний хөрөнгийг Хорооноос заасан банкинд байршуулахыг шаардах” гэсэн заалтыг хасах.

Саналыг аваагүй. Хороо хөрөнгө оруулагч, үйлчлүүлэгчийн эрх ашгийг хамгаалах үндсэн зорилгоор авч хэрэгжүүлэх албадлагын арга хэмжээний нэг юм. Санхүүгийн зах зээл нь өөрөө нарийн дэг журам, зохион байгуулалттай байх шаардлагатай байдаг. Хөрөнгө оруулагч, үйлчлүүлэгчдэд үйлчилдэг, зарим тохиолдолд тэдний хөрөнгийг хамгаалах, хадгалах, захиран зарцуулах эрхийг хэрэгжүүлдэг үнэт цаасны зах зээлийн мэргэжлийн оролцогч байгууллагад өндөр хэмжээний шаардлага тавигдах зүй ёснй байдал үүсдэг. Энэ зохицуулалтын агуулга нь хөрөнгө оруулагч, үйлчлүүлэгчийн эрхийг хамгаалах үндсэн зорилгоор хэрэгжүүлэхээр төсөлд тусгагдсан.

6.

Төслийн 76.1-д дотоод мэдээлэл эзэмшигчид “Хорооны гишүүн, Хорооны хяналтын зөвлөлийн гишүүн, Хороо, хөрөнгийн бирж, ҮЦТТТХТ, Клирингийн банк, банкны төлбөр тооцооны ажилтан, үнэт цаасны улсын байцаагч нар болон тухайн байгууллагад гэрээгээр ажил үүрэг гүйцэтгэж байгаа этгээд”-ийг нэмж оруулах саналыг гаргасан.

Саналыг төсөлд тусгасан. Учир нь Төслийн 76.1.2-талбан үүргээ хэрэгжүүлэх, гэрээ, хэлцлийн бэлтгэлболон байгуулах, гүйцэтгэх үе шатанд дотоод мэдээллийг олж авсан этгээд болон тэдгээрийн холбогдох этгээд.” нь дотоод мэдээлэл эзэмшигчид хамаарахаар зохицуулж өгсөн. Нэмж оруулах саналд тусгагдсан субъектүүд нь бүгд дээрх албан үүргээ хэрэгжүүлэх /Хорооны дарга, гишүүн, ажилтан, хөрөнгийн биржийн ажилтан удирдлага гэх мэтээр олон этгээд байж болох бөгөөд тэдгээрийг бүхэлд нь дурдахгүйгээр шинжээр нь албан үүргээ хэрэгжүүлэх гэдэг шинжээр нь төсөлд тусгасан болно/явцад мэдээлэл олж авах боломжтой бөгөөд ийм хэлбэрээр дотоод мэдээлэл олж авсан тохиолдолд түүнийг дотоод мэдээлэл эзэмшигчид тооцно.

7.

Дотоод мэдээлэл эзэмшиж буй дээрх албан тушаалтанууд нь тухайн үүрэгт ажлаас чөлөөлөгдсөнөөс хойш 1 жилийн хугацаанд мэдээллийг задруулахгүй байх үүрэгтэй гэсэн заалт нэмэх.

Төрийн албаны тухай хууль, Компанийн тухай хуулиар тухайн албан тушаал эрхлэж байгаа этгээд ажлаас чөлөөлөгдсөнөөс хойш тодорхой хугацаанд өөрийн олж авсан нууц, нийтэд тараагдаагүй мэдээллийг задруулахгүй байх үүргийг хүлээдэг тул энд тусгайлан дурдах шаардлагагүй гэж үзсэн.

8.

Төслийн 88.1.4 “энэ хуульд заасан брокер, дилер, андеррайтерийн үйл ажиллагааны журам зөрчсөн хуулийн этгээдийг хөдөлмөрийн хөлсний доод хэмжээг 400-460 дахин нэмэгдүүлсэнтэй тэнцэх хэмжээний төгрөгөөр, эрх бүхий албан тушаалтныг хөдөлмөрийн хөлсний доод хэмжээг 100-150 дахин нэмэгдүүлсэнтэй тэнцэх хэмжээний төгрөгөөр торгох;” гэсний хариуцлага их өндөр байгааг бууруулах санал гаргасан.

Саналыг авсан. Байнгын хорооны зарчмын зөрүүтэй саналаар хураалгаад шийдэгдсэн бөгөөд энэ 400-460 гэсэн хэмжээ нь 100-150/55 дугаарт байгаа/ болгож бууруулж төсөлд тусгахаар болсон.