Валютын ханшийг тогтворжуулах, эдийн засгийн идэвхжлийг дэмжих чиглэлээр авч хэрэгжүүлэх арга хэмжээний талаар Байнгын хорооны тогтоолын төсөл боловсруулах” үүрэг бүхий Эдийн засгийн байнгын хорооны ажлын хэсгийн хуралдааны тэмдэглэлээс:

С.Дэмбэрэл: - Манай улс бол маш жижиг зах зээл. Гэтэл хүний нөөцийн дэлхийн хэмжээний том компаниуд сүүлийн үед манайд салбараа нээгээд байна. Энэ яах гэж байгаа юм бэ гэхээр, том юмны л үнэр аваад байгаа хэрэг шүү дээ. Тэр нь “банкны том гүйлгээ хийгдэх юм байна, том transaction явагдах нь” гэдэг үнэр авсан гадаадын 3 банк л байгаа юм байна. Энэ 3-т тэр өгөөшийг нь нэг өгүүлбэрээр л өгөх ёстой. Өөрөөр хэлбэл, түрүүний ярилцсан ёсоор, “Оюутолгой” гэсэн нэр заавал орох ёстой. Жишээлбэл, “Монгол улсад салбар болон төлөөлөгчийн газраа нээсэн банкуудад ...” гэсэн зүйл байх хэрэгтэй юм шүү. Тэдэнд proposalолгох хэрэгтэй. Тэгвэл тэд орж ирнэ. Идэвхжинэ. “Оюутолгой”- д ч бас нэг мессеж өгмөөр байна. Гэхдээ үүнийг би Н.Батбаяр сайдаас юм асууя.

- “Оюутолгой”-г бид одоо яах вэ? Бид ямар мессеж өгөх вэ? Энд оруулах нэг л өгүүлбэр нь юу байвал таарах вэ?

- 2013 оны 11 сард улсын төсвийн орлогыг нэмэгдүүлэх талаар Татварын ерөнхий газрын даргын тушаал гарсан байна. Тэр тушаал дээр шууд биш утгаар үүрэг өгсөн нь бүх сонин болон интернетээр цацагдсан байгаа. Татварын байгууллагынхан их гэгээн сайхан тайлбар өгч байна. Энэ нь ч зөв. Үнэхээр хуурамч падаан үйлдэж байгаад олж илрүүлж байгаа нь буруу биш. Яагаад гэдгийг та нар мэдэх үү? Шалтгаан нь аль аль талдаа байдаг юм. Хуулиндаа ч асуудал нь бий. Энэ бол олон жилийн асуудал. Компаниуд асуудлаа хөнгөвчлөхийн тулд бушуухан л тэр хуурамч падаануудыг худалдаж аваад байгаа. Та нар эрсдэл талаасаа бодоод, түүвэрлэн шалгаж байгаа нь зөв. Гэхдээ та бүхэнтэй хамтарч шалгаж байгаа байгууллагууд чинь шалгагдаж байгаа байгууллагууд дотроос чинь “том үнийн дүнтэй хэргүүдийг нь над руу өгчих” гэсэн хандлаг гараад, тэр нь аль хэдийн нийгэмд тодорхой болчихоод байна. Ямар сайндаа шинэ хуулиар “аж ахуйн нэгж байгууллагуудыг дарамталдаггүй, зөвлөгөө өгөх байдлаар ханддаг, шалгалт хийхдээ эрсдэл дээр суурилж шалгадаг” байх ийм дүрэм тогтоох асуудал Татварын байгуулагын хувьд ч хамааралтай явагдаад, нэлээд дэвшил гарч байгаа. Тийм учраас би энэ талаасаа бодож асуугаад байгаа болохоос танай татварын байгууллагын сайн зүйлсийг үгүйсгээгүй юм шүү. Гэхдээ бодит амьдрал дээр компаниуд ийм байдалтай байна. Энэ Ажлын хэсгийн гол зорилго бол Монголын эдийн засгийг идэвхжүүлэхийн тулд хувийн хэвшлийг идэвхжүүлье, хувийн хэвшлийг идэвхжүүлэхийн тулд өмнө нь стандарт сэтгэлгээгээр хандан болохгүй гэж хориглож байсан зүйлсээ хүртэл өөрчлөн сэргээе гэсэн байдлаар ажиллаж байна. Тийм учраас бидний идэвхжүүлэх гэж байгаа ажлын жагсаалтан дотор энэ зорилтыг саармагжуулах биш, дэмжих хандлагатай зүйлсийг оруулж тусалбал сайн ба