Хөнгөн Үйлдвэрийн судалгаа хөгжлийн хүрээлэнгийн мэдээнээс:    

2013 оны 4-р сарын 25, Пүрэв гариг, 06:33

Манай хүрээлэн БОНХЯ, МҮХАҮТ-аас зохион байгуулсан “БАЙГАЛЬ ОРЧИНД ЭЭЛТЭЙ ТЕХНИК, ТЕХНОЛОГИ 2013” үзэсгэлэнд амжилттай оролцлоо.

Үзэсгэлэн 2013 оны 4 дүгээр сарын 22-24-ний өдрүүдэд МҮХАҮТ-ын үзэсгэлэнгийн зааланд болсон.

Хүрээлэн өөрийн гүйцэтгэсэн байгаль орчинд ээлтэй дараах бүтээлүүдээрээ оролцлоо. Үүнд:

-       Арьс шир боловсруулах байгаль орчинд ээлтэй эко технологи;

-      Малын дайвар бүтээгдэхүүн, стандартын бус арьс, хурга ишигний арьсыг байгальд ээлтэй аргаар боловсруулах техник, технологи;

-      Барилгын дулаалгын 100 хувийн хонины ноосон бүтээгдэхүүн болон хонины ноолуур ялгах жижиг үйлдвэрийн техник, технологи;

-   Ноос, ноолуур угаах үйлдвэрийн технологийн хаягдал усан дахь химийн хорт бодис, усны хэмжээг багасгах болон бохир ус цэвэрлэх байгууламжийн техник, технологи.

DSCF3826 DSCF3828

БОНХ-ийн сайд С.Оюун үг хэлж, үзэсгэлэнг нээж, өөрийн зөвлөх, газрын дарга, мэргэжилтнүүдийн хамт хүрээлэнгийн байгаль орчинд ээлтэй техник, технологитой танилцлаа.

DSCF3831 

 

Мөн УИХ-ын гишүүн, МҮХАҮТ-ын дарга С.Дэмбэрэл манай шинэ техник, технологитой танилцав.

DSCF3833

Үзэсгэлэнгийн үеэр зохион байгуулагдсан “Байгаль орчинд ээлтэй техник, технологи” семинарт Хүрээлэнгийн АШҮСТ-ийн захирал С.Баатаррагчаа “Арьс шир боловсруулах байгальд ээлтэй экотехнологи” сэдэвт илтгэл тавьж, хэлэлцүүлэг хийлээ.

2013-04-23 10.35.26 2013-04-23 10.42.22

 

 

Үзэсгэлэнгийн хаалтын ажиллагаанд БОНХЯ-ны Шинжлэх ухаан, цэвэр технологийн хэлтсийн дарга А.Энхбат, МҮХАҮТ-ын дэд дарга Ц.Янсанжав нар үзэсгэлэнд оролцсон бүтээлүүдийг шалгаруулж шагнал гардуулав.

 

 

Манай хүрээлэн “Арьс шир боловсруулах байгаль орчинд ээлтэй экотехнологи нутагшуулах” гэсэн судалгаа, шинжилгээний ажлаараа шалгарч,“НОГООН ӨРГӨМЖЛӨЛ” хүртлээ.

webd  webd1