2014 оны 1 дүгээр сарын 09-нд УИХ-ын Байгаль орчин, хүнс, хөдөө аж ахуйн байнгын хорооны 01 тоот тогтоол гарч,  “Ногоон хөгжлийн үзэл баримтлал, дунд хугацааны хөтөлбөр батлах тухай" тогтоолын төслийг УИХ-ын Чуулганы нэгдсэн хуралдааны холбогдох шатны хэлэлцүүлэгт бэлтгэх үүрэг бүхий ажлын хэсэг байгуулагджээ. УИХ-ын гишүүн С.Дэмбэрэл бүрэлдхүүнд нь орсон энэхүү ажлын хэсэгт УИХ-ын гишүүн А.Бакей, Х.Болорчулуун, Я.Содбаатар, Ц.Цолмон, Л.Эрдэнэчимэг нар орж, ажлын хэсгийг УИХ-ын гишүүн, тус байнгын хорооны дарга Г.Баярсайхан ахлан ажиллахаар болжээ. Ажлын хэсэгт мэргэжил, арга зүйн туслалцаа үзүүлэх дэд хэсэг байгуулагдсан бөгөөд бүрэлдхүүнд нь БОНХЯ-ны Ногоон хөгжлийн бодлого, төлөвлөлтийн газрын дарга Т.Булган, Сангийн Яамны Төсвийн бодлогын газрын дарга Ж.Ганбат, Эдийн засгийн хөгжлийн яамны Хөгжлийн бодлого, стратегийн төлөвлөлтийн газрын дарга Г.Батхүрэл, Зам, тээврийн яамны Стратегийн бодлого, төлөвлөлтийн газрын дарга Б.Галбадрах, Үйлдвэр, хөдөө аж ахуйн яамны Стратегийн бодлого, төлөвлөлтийн газрын дарга Л.Чой-Иш, Барилга, хот байгуулалтын яамны Хот байгуулалт, газрын харилцааны газрын дарга Ц.Баярбат, Хүн амын хөгжил, Нийгмийн хамгаалалын яамны Стратегийн бодлого, төлөвлөлтийн газрын дарга Д.Долгормаа, Эрчим хүчний яамны Стратегийн бодлого, төлөвлөлтийн газрын дарга Г.Товуудорж, Уул уурхайн яамны Стратегийн бодлого, төлөвлөлтийн газрын дарга Ч.Отгончулуу, Үндэсний статистикийн хороо, макро эдийн засгийн статистикийн газрын дарга Б.Бадамцэцэг, БОНХЯ-ны Хяналт шинжилгээ үнэлгээ, дотоод аудитын газрын даргын үүргийг түр орлон гүйцэтгэгч М.Төрбаяр, БОНХЯ-ны Ногоон хөгжлийн бодлого, төлөвлөлтийн газрын мэргэжилтэн Х.Хишигжаргал, МҮХАҮТ-ын цэвэр үйлдвэрлэл, цэвэр хөгжлийн газрын дарга Г.Түмэнжаргал, "Цэнгэг усны хүрээлэн" ТББ-ын тэргүүн Д.Доржсүрэн нар оржээ. Ажлын хэсгийнхэн тогтоолын төслийг боловсруулж, Чуулганы нэгдсэн хуралдааны холбогдох шатанд хэлэлцүүлэх бэлтгэлийг тухай бүр хангаж ажиллах юм байна.