Л. Энх-Амгалан гишүүн: 13 –ын 1 –ын 2  буюу “Байгаль орчны үнэлгээ хийх шаардлагагүй салбарт, тухайлбал харилцаа холбооны салбарт хөрөнгө оруулахад заавал ийм үнэлгээ бас хийлгэх ёстой болох уу?

Ажлын хэсгийн ахлагч С.Дэмбэрэл: Бүх технологид байгаль орчны үнэлгээ хийгдэнэ. Шаардлагагүй салбар гэж байхгүй. IT-д хүртэл байна. Би эртээд хэлж л байсан даа. Та нар асуугаад, би хариулсан шүү дээ. Байгаль орчинд ээлтэй технологи гэж тодорхойлдог. Л.Энх-Амгалангийн хэлж байгаа салбарт байгаль орчны ерөнхий үнэлгээ хийлгэх шаардлагагүй байхад, тухайн оруулж ирж байгаа технологи нь өөрөө байгаль орчинд ээлтэй байх олон улсын стандарт буюу байгаль орчинд хор хөнөөлгүй байх стандартыг ханчихсан байхад л болох юм байхгүй юу. Энэ дээр ерөнхий үнэлгээ хийж, мөнгө төлөх хэрэг байхгүй. Тийм учраас байгаль орчны ерөнхий үнэлгээ шаардлагатай тохиолдолд энэхүү үнэлгээг хийлгэсэн байх ёстой ба технологи нь байгаль орчинд ээлтэй байх ёстой, өөрөөр хэлбэл ногоон технологи байх ёстой гэсэн үг юм шүү. Тийм шаардлага хангасан технологи гэдгээ л тодорхойлсон байх хэрэгтэй.  

Харин шинээр ажлын байр бий болгох гэдэг дээр анхаарах ёстой зүйл байна. Монгол улсад байхгүй цоо шинэ ажил мэргэжлийг бий болгох гэж л тодорхой ялгаж оруулахгүй юм бол үүнийг хасах хэрэгтэй. Эс тэгвэл ийм ерөнхий юм ямар ч хэрэггүй. Сая бид эндээ ярьж байгаад тогтвортой ажлын байр гэж оруулчихвал яасан юм бэ гэж үзэж байна. Өрөөр хэлбэл түр ажлын байр биш, ажилчдаа түр зуур майханд суулгаж байгаад ажиллуулдаг биш гэсэн үг. Ерөнхийдөө тогтвортой гэдэг маань олон улсын хэмжээнд хамгийн их хэрэглэгддэг, хөдөлмөрийн байгууллагуудын тодорхойлдог тэр байнгын, урт хугацаагаар ажиллах ажлын байрыг л зааж өгөх хэрэгтэй.