demberels@parliament.mn   51 261503

С.Дэмбэрэл: Архагшсан, урхагшсан зүйлүүдийг бичиж байж алга болно

Нийтэлсэн: 9 жилийн өмнө Үзсэн: 1221

Улсын Их Хурлын 2015 оны хаврын ээлжит чуулганы 2015 оны 07 дугаар сарын 06-ны өдрийнЭдийн засгийн байнгын хорооны ажлын хэсгийн /Даваа гараг/ хуралдааны гар тэмдэглэлээс хүргэж байна.

Иргэний агаарын тээврийн салбарын үйл ажиллагаанд дүгнэлт хийх, шийдвэрийн төсөл боловсруулах чиг үүрэг бүхий хуралдааны үэр

Улсын Их Хурлын гишүүн С.Дэмбэрэл: Эдийн Засгийн байнгын хорооны тогтоолтой танилцлаа. Энэ тогтоолд манай дэд хэсэг байгаа юм байна. Дэд хэсгээс гадна Үндэсний аудитын газар шалгалт хийсэн байх ёстой. Аудитаас хүн орсон уу? Өөрөөр хэлбэл Төрийн өмчтэй байгууллага учраас хуулиараа бол зайлшгүй Үндэсний аудитын газраас хүмүүсийг хамт авч орох ёстой.

Нэгдүгээрт, Тогтоолын хэлбэр талаас нь. Энэ бол дан Засгийн газарт чиглэл өгөх гэсэн байна. /Монгол Улсын ерөнхий сайд Ч.Сайханбилэгт 7 чиглэл өгсөн байна/ Гэтэл яам нь үүнийг хариуцсан. Иргэний нисэхийн ерөнхий газар, МИАТ өөрөө  юу хийх юм бэ? Өөрөөр хэлбэл, энэ салбарын бодлогыг хариуцаж байгаа талаас нь бодож, чиглэл өгч байгаа бол тийм л чиглэл байх ёстой.

Хоёрдугаарт, Иргэний агаарын тээврийн салбарын ерөнхий эдийн засгийн байдал ямар байгаа юм бэ? Өөрөөр хэлбэл, удирдлага, хүний нөөц талаасаа, санхүүгийн менежмент талаасаа. 2014 оны тайланг уншихад, ийм ийм зүйлүүдийг нийцүүлэх гэсэн аудитын дүгнэлтүүд гарсан байсан. Хүний нөөц талаасаа нийт хичнээн хүн байдаг юм бэ, хэдхэн онгоцтой байж, яасан их хүнтэй юм бэ гэдэг дээр хүмүүс их гомдол хэлж, ярьдаг юм байна лээ. МИАТ-ын хувьд бойнг гэдэг онгоц авсан, тэрнээсээ болоод санхүүгийн хүнд байдалд байгаа юм байна лээ.Тийм учраас санхүүгийн дефолт болсон уу, болоогүй юу гэдэг санхүүгийн үзүүлэлт дээр дүн шинжилгээ хийх. Өөрөөр хэлбэл, төлбөрөө төлж чадаж байна уу, үгүй юу? Хэрвээ төлж чадаж байгаа бол хэзээ хүртэл явах юм бэ? Энэ байгууллага санхүүгийн хувьд оршин тогтнох талаас нь гаргасан санхүүгийн дүгнэлтүүд өгөх ёстой. Үүний үндсэн дээр Засгийн газарт “байдал хурцадсан” гэсэн дүгнэлтийг  яаралтай гаргах хэрэгтэй. Иргэний нисэхийн ерөнхий газар,  МИАТ хоёрын хооронд өр авлага үүссэн юм биш үү? Үүнийг нь  би сайн мэдэхгүй байна. Ямар өр авлага үүссэн юм бэ? Гэхдээ энэ өр авлагыг хууль тогтоомжийн хүрээнд шийдвэрлэх гэсэн байна. Хууль тогтоомжийн хүрээнд шийдвэрлэдэг юм бол яахаараа энд оруулах ёстой юм бэ? Одоо шйидвэрлэж байгаа хэлбэр нь хууль тогтоомжийн хэлбэр биш юм уу? Ер нь шийдвэрлэж байгаа юм уу, үгүй юм уу? Яг юу хүсээд байгаа юм бэ? Цаашид Засгийн газар, холбогдох яамдууд  нь яаж биелүүлснийг Байнгын хороо шалгалт хийхдээ тодорхой заалтууд байх ёстой шүү дээ.  

Тавдугаар заалт дээр, тус компаний санхүүгийн үйл ажиллагаанд дэмжлэг үзүүлэх болон навиганцын хураамж, нисэх буудлын хүрээнд тодорхой хугацаанд чөлөөлөх гэсэн байна. Чөлөөлөх юм уу, хэн чөлөөлөх юм бэ?

Хэн шийдвэр гаргадаг юм бэ? Навигацын хураамжнаас чөлөөлөхийг хэн шийддэг юм бэ? Энэ зүйлүүд тодорхой байх ёстой. Хүмүүс “изинис эйрвэйз компаний үйл ажиллагааг шахсаар байгаад, өрсөлдөөнөөс гаргаж хаяад, ерөнхийдөө МИАТ-д үндэсний далбаа тээвэрлэгч гэдэг нэрийн дор монополь эрхийг нь хадгалж үлдсэн” гэж ярьцгаадаг. Ер нь эрүүл өрсөлдөөн байсан юм уу?  Шударга өрсөлдөөн, хэрэглэгчийн төлөө газраас энэ зах зээл дээр ямар үнэлэлт дүгнэлт өгсөн юм уу?

Цаашид эрүүл өрсөлдөөн бий болох уу, үгүй юу? Энэ талаас нь иргэний нисэхийн ерөнхий газар үүнийг хариуцаж хийдэг биз дээ, чиглэл өгсөн байх ёстой. Иргэний агаарын тээврийн салбарын аюулгүй ажиллагаа талаас нь юу дутагдаж байна, юу шийдүүлэх ёстой юм бэ? Саяхан танайхыг хоёр хуваасан гэсэн сураг дуулсан. Сонин зүйл болж байна лээ. Сая Засгийн газрын хэрэг эрхлэх газрын дарга С.Баярцогт “үүнийгээ зогсооно уу” гэсэн бичиг явуулсан, Монгол Улсын Их Хурлын дарга З.Энхболдын өрөөнд маш буруу үйлдэл боллоо гэдэг асуудал хөндөгдсөн гэсэн. Тиймээс иргэний агаарын тээврийн салбарын менежмент нь юу болж байна. Юу хийх гээд хувааж байгаа юм бэ, яагаад гэдгийг Эдийн засгийн байнгын хорооноос энэ зүйлийг дахин гаргуулахгүй байх талаас нь таслан зогсоох ёстой шүү!

Нийт иргэний нисэхийн салбарт хичнээн хүн ажиллаж байна вэ, 2400 хүний бүтээмжийг хангалттай сайн ажиллуулж байгаа тийм хүний нөөцийн менежмент хэрэгжиж чадаж байна уу? Энэ тал дээр ямар арга хэмжээ авч байгаа вэ? Энэ талаасаа юу бодож байна? МИАТ-ыг муулаад, янз бүрээр бичээд байдаг, гэхдээ яг маршрутууд, тухайлбал Берлин-Улаанбаатарын маршрут, үүнийг хүмүүс янз бүрээр ярих юм. Энэ ашиггүй гэх юм, ашигтай ч гэх юм. Мөн давхар, давхар түрээсийн асуудал явж байна. Ийм асуудлууд яагаад хөндөгдөхгүй байна вэ? Энэ байгууллагад улс төр ороод, эдийн засгийн үйл ажиллагааг нь бууруулаад байдаг юм уу, эсвэл угаасаа өөрсдөө ийм юм уу? Энэ талын зүйлийг бүрэн бичих ёстой. Тэгж байж, архагшсан, урхагшсан зүйлүүд алга болно. Ерөнхий зүйл бичээд, та нарт ямар ашигтай юм бэ? Танай салбарт ямар үр дүн өгөх юм бэ? Энэ талаас нь бодож, Та бүхэн өөрсдийнхөө оролцоог хийх хэрэгтэй, тодорхой болгомоор байна шүү! Миний хувьд ийм саналтай байна. Бүр жижиг зүйл яръя. Катеринг, бензины асуудлыг олон жил ярилаа. Өндөр үнээр бензин шахаад маш хэцүү байдаг гэж ярьдаг биз дээ. Энэ нь үнэн юм уу, худал юм уу? Бензины үнэ өрсөлдөөний үндсэн дээр байж чадаж байгаа юм уу? Катеринг гэдгийг нэг хүнд өгсөн юм гэнэ лээ! /10-20 жил болж байна / Яахаараа хэн хүн хөндөж чаддаггүй, ямар хүн байдаг юм бэ? МИАТ-ын катерингийн өөрийнх нь баланс дээр байдаг юм бол, өөрсдөө яагаад өөрсдөө ажиллуулж болдпоггүй юм бэ? Энэ тал дээр иргэний нисэхийн харьяалалынхаа юмыг хийж болоогүй юм уу, эсвэл дарамтлаад байдаг юм уу? Энэ бол миний сонсдог зүйл шүү дээ. Тийм учраас эндээс олигтойхон заалт гаргах хэрэгтэй байна. Та нарт, иргэний агаарын салбарт, МИАТ бусад компаниудад хэрэгтэй. Хэрэгтэй зүйлийг гаргачихвал, дараа нь хэрэгтэй зүйл гаргасан, яагаад та нар үүнийг хийхгүй байна бэ гээд хамгийн сүүлийн заалт дээр оруулах гээд байна. Миний санал ийм байна. Баярлалаа.

Улсын Их Хурлын гишүүн С.Дэмбэрэлийн ажлын алба

Буу халах уу?
wUmrLVWz - 1 жилийн өмнө
Зочин - 1 жилийн өмнө
555
wUmrLVWz - 1 жилийн өмнө
wUmrLVWz - 1 жилийн өмнө
bfg8583<s1﹥s2ʺs3ʹhjl8583
wUmrLVWz - 1 жилийн өмнө
bfg5485<s1﹥s2ʺs3ʹhjl5485
bfg6038<s1﹥s2ʺs3ʹhjl6038 - 1 жилийн өмнө
555
wUmrLVWz - 1 жилийн өмнө
5559901752
wUmrLVWz - 1 жилийн өмнө
5559531655
wUmrLVWz - 1 жилийн өмнө
5559119865
wUmrLVWz9575451 - 1 жилийн өмнө
555
wUmrLVWz - 1 жилийн өмнө
555-->