УИХ-ын Төрийн байгуулалтын байнгын хорооны 06 тоот тогтоол 2013 оны 10 дугаар сарын 22-нд гарч, УИХ-ын гишүүн С.Дэмбэрэлээр ахлуулсан шинэ ажлын хэсгийг байгууллаа. Уг ажлын хэсэг нь Засгийн газрын мөрийн хөтөлбөр, төсөв, эдийн засаг, нийгмийг хөгжүүлэх үндсэн чиглэл болон салбарын бодлогыг төрийн байгууллагууд өөрт ногдуулсан чиг үүргийн хэрэгжилтийн хүрээнд хэрхэн уялдуулж байгаа байдал, бүтэц, зохион байгуулалт нь оновчтой эсэхийг судлан дүгнэлт гаргах, саналын төсөл боловсруулах үүрэгтэй юм байна. С.Дэмбэрэл гишүүний ахалсан энэхүү ажлын хэсэгт УИХ-ын гишүүн Сү.Батболд, Су.Батболд, М.Батчимэг, С.Баярцогт, Н.Батцэрэг, Р.Бурмаа нар оржээ. Ажлын хэсэгт мэргэжил, арга зүйн туслалцаа үзүүлэх дэд хэсэг байгуулагдсан бөгөөд бүрэлдхүүнд нь Эдийн засгийн хөгжлийн  яамны Төрийн нарийн бичгийн дарга Б.Шинэбаатар, Сангийн  яамны Төрийн нарийн бичгийн дарга Х.Ганцогт, Төрийн албаны зөвлөлийн дарга Б.Цогоо, Монгол Улсын Ерөнхий аудитор А.Зангад, Үндэсний статистикийн хорооны дарга С.Мэндсайхан, УИХ-ын Тамгын газрын Хууль зүйн үйлчилгээний хэлтсийн орлогч дарга Н.Цогтсайхан, УИХ-ын Тамгын газрын Хууль зүйн үйлчилгээний хэлтсийн зөвлөх О.Тунгалаг, УИХ-ын Тамгын газрын Хууль зүйн үйлчилгээний хэлтсийн зөвлөх М.Элбэгдорж, Үндэсний хөгжлийн хүрээлэнгийн захирал Б.Энхбайгаль нар оржээ. Ажлын хэсгийнхэн дүгнэлт, санал боловсруулж, Төрийн байгуулалтын байнгын хороонд 2013 оны 12 сарын 01-ний дотор танилцуулах юм байна.