2013 оны 9 дүгээр сар 17-нд Төрийн ордоны “А” танхимд болсон Байгаль орчин, хүнс, хөдөө аж ахуйн болон Эдийн засгийн байнгын хорооны 

С.Дэмбэрэл:

• Би горимын санал хэлье. Өнөөдрийн энэ хэлэлцэж байгаа асуудал нь өөрөө логик утгаа алдчихаж. УИХ-ын ээлжит бус чуулганд бид хамгийн түрүүнд юу хэлэлцэх ёстой байсан бэ гэвэл УИХ-ын даргын өөрийнх нь захирамжаар байгуулагдсан “МУ-ын эдийн засгийн дотоод гадаад орчин, түүнд өгөх үнэлэлт дүгнэлт, цаашид авах арга хэмжээний талаар” УИХ-ын ЭЗ-ийн БХ-оос гаргасан Ажлын хэсгийн нэгэнт бэлэн болчихсон баримт бичгийг буюу энэ бодлогынхоо шүхэр бодлогоо ярьчихаад, энүүний нэг бүрдэл хэсэг болох өөрөөр хэлбэл 20 асуудлынх нь зөвхөн нэг нь болох хөрөнгө оруулалтын тухай асуудлыг хэлэлцэе гэсэн ийм логик дэс дараатай явах байсан юм. Тэгэхээр одоо үүнийгээ л шууд хэлэлцье. Энэ зун нэг хэсэг нь амарлаа. Нэг хэсэг нь бас ажлаа хийсэн. Тэр Ажлын хэсгээс бас судалгаа гарсан. Зузаан, томоохон судалгаа гарсан. Дээр нь гадаад, дотоодын байгууллагуудаас МУ-ын гадаад дотоод орчинд хийсэн судалгаанууд гарсан. Энэ олон судалгаануудыг үндэслэн, бусад олон нийтийн санал дүгнэлтийг үндэслэн УИХ-ын тэр ажлын хэсгээс санал болгож байгаа бэлэн шийдлүүд байна шүү дээ. Бид өнөөдөр шийдлүүд ярих ёстой. Тэр гол шийдлээ эхлээд ярья. Тэрний дараа бусад асуудлаа ярья. Энэ бол хамгийн чухал горимын санал шүү.

Гарамгайбаатар:

• С.Дэмбэрэл гишүүний горимын саналыг сонслоо. Тэгэхээр С.Дэмбэрэл гишүүн ээ, ЭЗБХ дараа нь үргэлжлүүлээд тусдаа БХ-ныхоо хурлыг үргэлжлүүлнэ. Одоо энэ бол БОХХААБХ-той хамтарсан хурал учраас таны санал дараа орж ирэх асуудал байна.